DILI, STLTIMORLESTE.com – Prezidente Republika (PR), Jose Ramos Horta kondekora Neelofer Saqib ho medalha meritu no Zeenat Aluwihare ho medalha solidariedade Timor Leste ho sertifikadu rekonhesimentu ba sira nia nain rua nia kontribui ba Dezenvolvimentu Nasional iha Timor Leste (TL).
Prezidente Republika, Jose Ramos Horta ba jornalista sira, iha Timor Lodge, Kuarta (30/10/2024) hatete, nia kondekora sidadaun Australianu nain rua tanba durante nee kontribui makaas mos ba dezenvolvimentu Timor Leste.
Tanba tinan 20 ona sira iha Timor Leste, uluk rekonhese tiha ona fo kondekorasaun ho emprezariu lubuk ida iha Timorense, senhora ho nia oan feto too agora seidauk, aproveita reuniaun ida nee halo serimonia simples maibe iha tinan foun nee mai sei kontinua haree ba familia.
Tinan 20 resin ona sira nuudar sidadaun Australianu besik tinan 40 ona iha Australia konhesidu no respeitadu iha sosiedade nuudar investidor, sira husik buat hotu mai halo investimentu iha Timor Leste.
“Sira mai halo investimentu iha Timor Leste rekruta Timoroan lubuk ida haree Timoroan sira nia servisu nee diak, treinamentu diak sira selu impostu boot ba estadu, hau hanoin kompanhia neebe selu impostu boot iha Timor setenta 60 milhaun selu impostu, sira la subar la halai atu selu impostu sira selu osan boot tama fali ba kofre estadu,” katak PR, Horta
Xefe Estadu dehan, antes nee fo ona rekonhesimentu ba kompanhia Timor Traing nee, maibe CEO Milena Pires mak seidauk, tanba nee ohin iha serimonia nee mai fo mos rekonhesimentu.
Nunee mos Milena Pires, nuudar CEO Timor Trading Group hatete, nuudar CEO Sente orgulhu boot ba rekonhesimentu ida nee, bele hatoo ba senhor Emilio fundador mos empreza Timor Trading neebe iha TL, desde 2002 haboot empreza iha Timor Leste bele kontribui mos ba Timor Leste nia dezenvolvimentu.
Nia hatete, simu treinu daudaun entrega pratikamente ema atus rua nee mak hotu-hotu sente orgulhu ba rekonhesimentu ida nee, no entrega mos fundador ba empreza neebe mak kontribui ba TL.
(eme)
