DILI, STLTIMORLESTE.com – Prezidensia Republika (PR) kontinua promove Dokumentu Fraternidade Umana neebe asina husi Papa Francisco no Imam Ahmed Al Tayyen, iha loron 4 Fevereiru 2019, iha Abu Dhabi, ba estudante iha eskola sira iha kada munisipiu, nunee bele haburas dialogu no unidade.
Tuir Komunikadu neebe STL asesu husi media Prezidensial Republika Kinta (02/010/2025) hatete, Prezidensia Republika kontinua Promove Valor Nasional no Empoderamentu Juventude.
Inisiativa Prezidensial atu kuda metin prinsípiu sira husi Dokumentu kona-ba Fraternidade Umana kontinua ninia divulgasaun nasional, hodi haburas dialogu, kompaixaun, no unidade. Too ba Jerasaun Tuirmai.
Unidade Fraternidade Umana halao sesaun sosializasaun ho susesu ba estudante sira iha Baucau no Covalima, hodi integra dokumentu nia valor sira ba edukasaun sívika ho objetivu atu inklui iha kurríkulu nasional.
Nunee mos Mensajen ida kona-ba Fraternidade Umana Inisiativa nee habelar too Prizaun Suai, iha neebe ekipa envolve-an ho dadur no funsionariu sira kona-ba aplika prinsípiu dignidade umana no respeitu mutuu ba prosesu justisa no reabilitasaun.
Dialogu Nasional ida ba Futuru Prezidensia konvoka seminariu nasional boot ida kona-ba “Papel Jerasaun Foun nian, hodi halibur líder Estadu sira, inklui Primeiru-Ministru, no reprezentante joven sira atu diskute transferensia legadu no responsabilidade iha konstrusaun nasaun nian.
Aleinde nee Prezidensia Republika mos Dezenvolvimentu Ekonomiku no Parseria Estratejika Lansa Instituisaun Finanseira Nasional ida.
Prezidente Republika Ramos Horta sai kliente dahuluk husi Banco do Nosso Futuro”, banku foun ida neebe harii no nain mak veteranu libertasaun nasional sira, hodi defende nuudar pilar ida ba inkluzaun finanseira no prosperidade nasional.
Haburas Empreendedorizmu Seri Palestra Prezidensial 2025 ba Dala-III, “Empreendedorizmu: Oinsa Ita Hahu?” halibur vizionariu global sira iha negosiu no esplorasaun hodi inspira no fo mentoria ba jerasaun foun Timoroan neebe halo mudansa.
Habelar Konektividade Global hodi akompanha esforsu diplomatiku susesu nian, Prezidente hasoru malu ho delegasaun ida husi Xina no Aero Dili atu diskute habelar semo diretu, nuudar estratejia xave ida hodi hasae turizmu no dada investimentu.
Jornalista: Emerenciana Pinto
Editora: Carme Ximenes
