DILI, STLTIMORLESTE.com – Prezidente Republika (PR) Jose Ramos Horta nafatin iha politika tulun komunidade vulneravel sira iha Timor Leste.
Maske Prezidente Republika, Jose Ramos Horta viajen estadu ba Portugal maibe reprezenta servisu sosiedade sivil nafatin oferese nesesidade bazika ba komunidade iha Suku Atudara, Meligo, Daudo, Manapa, Goulolo, Raeheu, Guenolai, Purogoa, Ritabou, neebe pertense iha Munisípiu Bobonaro.
Tuir observasaun neebe mak STL asesu husi media Prezidensia Republika Sesta (25/10/2024) haktuir katak, nesesidade nee Oferesimentu husi Xefe Estadu nee, kanaliza liu husi Servisu Sosiedade Sivíl no Apoiu Sosial Prezidensia Republika neebe lidera husi Assesor Quintiliano Moníz.
Tuir Quintiliano Moníz, asaun karitativa nee akontese tamba atual Xefe Estadu no Xefe Guvernu, Kay Rala Xanana Gusmão, iha tempu antes kampanha eleitoral 2022 no 2023, halao ona asaun sosial no promete katak sei kontinua bainhira hetan fiar husi povu iha eleisaun no sei prioritija asaun sosial (karitativa) ba komunidade sira iha area remotas.
Asaun ida nee, ho objetivu atu tulun ka hakmaan susar neebe povu iha baze infrenta ba ai-han iha territoriu nasional, liu-liu komunidade identifikadu iha Postu Cailaco tuir proposta husi autoriedade lokal husi suku 8, neebe hatoo ba Prezidente Republika foin lalais nee
Prezidente Autoreidade Bobonaro, Alexandre Pires, salienta tan, asaun karitativa husi Prezidente Republika nian hatudu, halo kamaan ema vulneravel sira nia terus no lori sira nia esparansa fila fali katak sira mos pertense ba estadu no nasaun ida nee.
(eme)
