KOVALIMA, STLTIMORLESTE.com – Prezidente Republika (PR), José Ramos Horta halao lansamentu ba kompetisaun halai taru kuda no jogu tradisional.
Prezidente Republika, José Ramos Horta ba jornalista sira iha Kovalima, Kuarta nee (26/03/2025) hatete, nia viajen ba Kovalima hodi lansa kompetisaun kuda no mos jogu tradisional iha Postu Administrativu Suai Vila, Munisípiu Kovalima.
PR Horta dehan, mai partisipa korida kuda, orsida loraik futu manu, dada tali, bainaka husi NTT mai barak partisipa no mos atividade oin-oin iha Kovalima. Aleinde nee Marka mos prezensa husi membru governu hodi haree situasaun tuir idak-idak nia portofoliu. Tanba Governu tinan 2025 konsentrasaun makaas ba infraestrutura konforme Primeiru Ministru rasik koalia.
“Prezidensia Republika alokasaun orsamentu totál US$ 26, Prezidensia Republika fo ajuda ba halo kampu korida kuda nee,” dehan PR Horta.
Nia afirma, tanba iha Suai kuitadu se privadu osan laiha nee parte ida husi kultura Suai nian, kultura nasional Timor nian.
“Hau mak iha meius karik, hau fo apoiu makaas liu tan ba hakiak makaas kuda Timor nee famozu. Tanba iha Australia filme ida livru kuda Timor nee tama iha sira nia lenjenda,” dehan PR Horta.
Xefe Estadu hatutan, uluk nia kiik tinan haat deit sae kuda, sae primeira vez sae kuda haksoit nia monu tun nee primeira vez. Depois tinan lubuk ida nia laran, entaun nia hadomi kuda, maibe nuudar Prezidente Republika orsamentu limitadu apoiu oituan-oituan.
PR Horta dehan, manan sira nee sei hetan premiu osan no premiu lori mai kedas.
Iha fatin hanesan, Autoridade Postu Administrativu Fatumea, Cesar Madeira Amaral sente kontente tanba tempu espesial tebes komunidade sira iha Munisípiu Kovalima husi postu hitu hanesan Postu Administrativu Fatumea, Postu Administrativu Fatin Lulik, Postu Administrativu Fohorem, Postu Administrativu Tilomar, Postu Administrativu Maukatar, Postu Administrativu Suai Vila, no mós Postu Administrativu Zumalai, suku 30, aldeia 148 bele mai konsentra ohin atu bele partisipa direita ba iha kompetisaun komunitaria hanesan korida kuda no mos dada tali nee orsida sai kompetidor ba iha atividade sira ne’e mak husi komunidade postu hitu nee rasik neebe sira preparadu.
(eme)
