DILI, STLTIMORLESTE.com – Prezidente Republika (PR), Jose Ramos Horta halao lansamentu ba seminariu Internasional, neebe organiza husi PDHJ ho tema “Direitu Ekonomiku Sosial no Kultura Iha Area Fronteira”.
“Seminariu Internasional ida nee kona-ba direitu umanu, bele hatete iha fronteira, oinsa governu observa implementa sira nia obrigasaun neebe iha tratadu kona-ba direitu ekonomiku sosial kultural nee tema prinsipal, maibe ita mos hatene realidade problema refujiadu rai barak iha mundu,” hatete PR Horta ba jornalista sira iha Otel Novu Turizmu, Kuarta (20/11/2024).
Problema fenomenu ida boot tebe-tebes tuir Xefe Estadu 700 milhaun ema dezlokadu iha Eropa neeba, liu-liu sira mai husi Siria, Irão, Afaganistão, sira refujiadu dezlokadu iha mundu tomak iha Áfrika hanesan Sodão sira seluk.
“Iha azia problema boot liu, ida Afaganistão Hau la temi iha nee, maibe refujiadu Afaganistão iha Irão milhaun, Irão mos simu refujiadu liu-liu Afaganistão, iha ita nia rejiaun soudeste aziatiku sira neebe problema boot liu, numeru ida mak Tailandia, refujiadu neebe mai husi Mianmar no laos agora deit, tinan 20 nia laran tiha ona problema nee la rezolve,” hatete Xefe Estadu.
Maibe Prezidente Republika dehan, todan boot ba Governu Tailandia, depois ladun iha apoiu Internasional ba sira, iha balu mais ladun, depois Malazia mos simu refujiadu husi Mianmar nian, ida fali mak Indonezia. Klaru Filipina mos iha maibe Filipina ladun hanesan, sira buka iha Tailandia mak numeru ida, maibe ida seluk neebe laos ASEAN mak Banlades.
Banlades pelumenus 80 mill ka 1 milhaun refujiadu, sira rejime militar halo persigasaun oho lubuk ida sira halai ba Banlades.
Nunee mos Provedor Direitu Umanu no Justisa (PDHJ), Virgilio da Silva Guterres “Lamuka” hatete, seminariu nee parte integradu husi enkontru annual (SEANF) Southeast Asia National Human Rights Institution Forum.
Seminariu nee hanesan parte integradu ida husi enkontru anual SEANF nian, no tantu instituisaun direitu umanus Sudeste Asiatiku nian.
“Enkontru iha loron 18-19 Novembru tinan nee, sira remata Enkontru anual no ohin 20 Novembru loron ikus hanesan seminariu Internasional nian objetivu mak atu fahe esperiensia ona ba tema neebe sira foti, mak hanesan direitu ekonomiku sosial no kultural Fronteira iha area Fronteira nian,” katak nia.
(eme)
