DILI, STLTIMORLESTE.com – Prezidensia Republika (PR) lansa uma ba oan kiak nain neen (6) iha Postu Same, Munisipiu Manufahi.
Prezidenzia Republika lansa uma ida ba oan kiak nain 6 uha Same, programa Presidenzia Republika liu husi Diresaun Servisu Sosiedade Sivil bo Asuntu Sosial lansa uma uda ba oan kiak nain 6 hanesan Alicia Clara Barros, Joanico Clara Barros, Evencio Clara Barros, Idonia Clara Barros, Anacito Clara Barros, Luro Clara Barros iha Aldeia Riatu, Suku Daisua, Postu Admistrativu Same Vila, Munisipiu Manufahi.
Iha serimonia Lansa Uma I Kordenadora Diresaun Servisu Sosial no Asuntu Sosial, Teresa do Santos Ximenes hateten, lansamentu uma ba oan kiak nain 6 inisiativa mai husi Prezidente Republika José Ramos Horta.
“Apoiu hirak nee inisiativa Prezidente Republika Nian atu fahe domin ba oan kiak nain 6 atu sira nain 6 bele hetan mahon ida diak nunee sira bele kontinua estudu iha fururu, uma nee ho medida 8×7, haris fatin, dapur, kios, durasaun ba kontrusaun uma refere durante fulan tolu,” dehan koordenadora liu husi Komunikadu neebe STL asesu husi media PR Kuarta (23/07/2025).
Nia hatete, oan kiak nain 6 nee nia aman oho nia inan iha 14 Fevereiru 2023, durante sira nia inan mate nia aman tama prizsun sira nain 6 hela ho avo sira no avô sira mak tau matan ba sira nia nesidade.
Hafoin lansamentu ba uma nee oan kiak Alicia Barros ho matan been monu hodi hasai deit liafuan agredesimentu ba nai Prezidente Republika tanba bele apoiu ona Alicia ho nia alin nain 5.
Iha lansamentu Primeira Xefi Suku Daísua Amorin da Costa Sarmento no Reprezentante Admistrador Munisipiu Same, Diretor Servisu Komunitariu Vidal Do Santos hatoo agradece ba Prezidente Republika tanba bele tau matan ba oan kiak nain 6 neebe durante nee moris iha susar nia laran.
Nia informa, hanesan Autoridade sei buka meius atu fasilita oan kiak sira atu asesu ba edukasaun iha Munisipiu Same, liu-liu sira nia propinas kada fulan sei gratuita ba sira nunee sira bele kontinua estudu ba futuru.
(eme)
