DILI, STLTIMORLESTE.com – Prezidente Republika (PR) Jose Ramos Horta ho Vise Chairman of the National Committe of the Chinese People’s Political Consultative Leung Chun Ying diskuti hamutuk, oinsa promove saude publiku iha Timor-Leste (TL).
Bainhira remata hasoru malu, Leung Chun Ying ba jornallista sira iha Palasiu Prezidensial Nicolau Lobato, Bairru Pite, Dili, Kuarta (30/04/2025) hatete, kontente tebes hasoru malu ho Prezidente Republika Jose Ramos Horta hodi koalia konaba oinsa atu promove saude publiku iha Timor-Leste.
“Ami hasoru malu ho sua exelensia Prezidente Republika koalia konaba interese hamutuk atu promove saude publiku iha Timor Leste, ami mos koalia asuntu klean oinsa atu promove saude publiku, no Prezidente mos kontente tebes ho susesu neebe halao iha Timor Leste husi projetu neebe ami estabelese,” katak Leung Chun Ying.
Nia hatete, sira nia Fundasaun GX hanesan organizasaun Naun Governamental ida neebe husi Hong Kong – Xina hodi haree ba saude publiku.
“Iha Timor-Leste fundasaun nee iha projetu 4, projetu premeiru mak eliminasaun dengue nomos porjetubee potavel no ami hahu projetu nee hahu inisiu 2024, ami harii ida nee tanba haree husi persentajen neebe sae makaas hanesan iha indonezia, Singapura nomos Timor Leste, iha fulan 3 iha tinan ida nee nia laran dengue neebe iha munisipiu 4 lahetan kazu neebe makaas,” dehan Nia.
Nia mos hatoo mensajen liu husi media katak, karik laiha muskita neebe iha mak sei laiha dengue.
“Ami lakohi iha susuk, no ami hakarak oho susuk barak, karik ita oho susuk barak pratikamente ita sei halo eliminasaun ba iha susuk,” katak nia.
Nia hatete, sira mos fornese lampu susuk nia hamutuk rihun 30 hodi bele oho susuk, nomos tempu neebe hanesan sira mos fornese makina fortifikadu hamutuk atus ida ba Timor Leste hodi bele fornese bee neebe kualidade diak, oferese ba igreza, hospital no eskola sira.
Ekipamentu nee uza sistema teknolozia, hodi fornese bee neebe kualidade diak, atu nunee ema hotu bele hetan bee neebe ho kualidade diak hodi bele garante saude diak. No makina nee bele elemina agua plastiko. Projetu ida nee mos oinsa mak bele halakon tiha agua.
“Projetu terseiru mak atu halo eliminasaun ba lalar nia kutun sira, no ami mos iha lazu adojivu atu oho susuk lalar kotuk sira, karik laiha susuk no lalar sei lalori moras ba ita, tanba husi lalar bele trasmite moras ba hahan sira bainhira ema konsumu bele hetan moras,” katak nia.
Nia mos hatoo mensajen ba komunidade Timor -Leste katak, labele moris hamutuk ho lalar no susuk, tanba nee bainhira oho lalar lalais sei lalori moras ba sidadaun sira.
“Ami nia projetu da haat mak kapasitasaun ba joventude iha Timor Leste, husi projetu da haat nee ami mos halo koperasaun no serbisu hamutuk ho universidade katolika Timor Leste ami fo treinementu iha nia fatin nomos iha tempu oportunidade sei tuir iha makau,” katak nia.
Fundasaun GX agora dadaun halao dadaun nia projetu iha kontinente 4 iha nasaun 8, no projetu dahaat neebe halao iha Timor Leste hanesan primeiru iha mundu.
Iha biban nee nia mos hatoo agradese ba ministerium saude ba koperasaun no parseria ida nee, ida nee hanesan projetu neebe liga ba zona neebe halibur ba koperasaun nee, ida nee mos hanesan mos komfiansa hamutuk hodi atinzi saude neebe diak.
Prezidente Republika, Jose Ramos Horta mos sente kontente ho projetu neebe Leung Chun Ying halo iha Timor Leste, bao in presiza koperasaun hamutuk nafatin hodi promove saude publiku iha Timor Leste.
(eme)
