DILI, STLTIMORLESTE.com – Prezidente Republika (PR) Jose Ramos Horta loke kompetisaun fotografia no vidio kona-ba vizita istoriku Sua Santidade Papa Francisco durante mai iha Timor Leste.
Kompetisaun nee inisiativa husi Prezidente Republika Jose Ramos Horta, hola parte iha momentu estraordinariu ida iha nasaun nia istoria.
Prezidente Republika konvida sidadaun Timoroan tomak atu partisipa iha kompetisaun istoriku ida neebe selebra Sua Santidade Papa Francisco nia vizita importante mai rai doben TL.
“Ita boot nia lensa, ita nia legadu liu husi ita boot nia lensa kamara nian, tulun ami atu prezerva signifikadu espiritual no kultural neebe klean husi vizita papal istoriku ida nee. Karik ita boot nuudar fotografu profisional, aspirante filmajen, ka simplesmente apaixonadu atu kaptura momentu sira neebe signifikativu, ida-nee maka ita boot nia oportunidade atu kontribui ba Timor Leste nia rejistu istoriku,” katak PR Horta husi komunikadu neebe publika husi pajina ofisial PR, Tersa nee (05/11/2024).
Kategoria sira neebe konta istoria Timor nia mak submete too fotografia 3 neebe mak kaptura esensia husi vizita istoriku Papa Francisco, foka ba momentu sira fiar nian, unidade komunidade nian, no selebrasaun kultural, fahe emosaun, espiritualidade, no furak husi eventu ida nee.
Nunee mos video badak, kria video badak maximu minutu 3 neebe maka lori vizita Papa nia istoria, dokumentasaun intersesaun kultura timoroan nian ho momentu espiritual ida-nee, Konta istoria sira neebe sei inspira jerasaun sira tuir mai.
(eme)
