COVALIMA, STLTIMORLESTE.com – Prezidensia Republika (PR) planu tinan ida nee sei apoiu halo reabilitasaun eskola 5 iha Munisipiu Manatutu, Bobonaro no Oecusse, inklui apoiu mos kapela sira neebe presiza material.
Lia hirak nee hatoo husi Assesor Prezidensia Republika, Quintiliano Moniz ba jornalista sira, bainhira remata halo lansamentu fatuk dahuluk iha Suku Camenaca, Munisipiu Covalima, Sesta (27/02/2026).
Nia hatete, tinan ida nee Prezidensia Republika sei rehablita eskola 5 inklui mos Kapela sira neebe presiza tulun nunee bele finaliza lalais.
Asesor hatete eskola neebe presiza halo rehablitasaun nee balun iha Manatutu liu liu iha Soibada, Bononaro no Oecusse, inklui mos Kapela balun.
“Agora ami tama ona halo verifikasaun ba proposta sira neebe aprezenta mai husi komunidade sira ho profesores no estudante sira aprezenta no ami haree fulan oin mai ami sei ajuda sira provolta eskola kala 5 ho Kapela sira,
Eskola neebe prezidensia Republika atu halo rehablitasaun eskola mak Soibada, Bobonaro, Oecusse no fatin seluk tan.
“Eskola iha Soibada, Eskola Nicolau Lobato, ita sei ajuda halo rehabitasaun ba moru protesaun nomos iha bobonaro, iha oecusse, Oecusse imi lembra karik uluk labarik estudante oan sira ba hasoru sua exelensia Prezidente Republika haruka tekniku ba eskola nee grave duni neebe iha planu ona neebe fulan oin lori material ba apoiu para halo reabilitasaun,” dehan Asesor.
Planu prezidensia Republika atu apoiu halo reabilitasaun eskola nomos Kapela sira neebe presiza apoiu material nee maizumenus ho orsamentu hira? Hatan ba kestaun nee Prezidente Republika hatete, apoiu orsamentu nee montante kiik la hanesan apoiu husi Governu.
“Maibe sua exelensia Prezidente Republika ho politika ida liu liu mak ajuda ema ho kkbiit naton ba liu area rurais liu liu ba komunidade ho asaun karitativa valor orsamentu nee defende deit ba komunidade ho autoridade lokal nia proposta, aprezenta proposta 10 mil maibe tekniku sir aba verifika dala ruma la too 10 mil dala ruma boot liu entau se boot liu husi valor orsamentu prezidensia nia entau enkamina ba Governu,” dehan Asesor.
Asesor PR dehan, proposta neebe liu husi orsamentu prezidensia nia no husi palasiu enkamina fali ba Governu proposta lubuk ida, proposta husi Grupu kreatividade, balun konaba rehablitasaun eskola, balun rehablita Kapela balun hetan ona apoiu husi gabinete I visi Primeiru Ministru .
“Ita laos halo foun maibe reabilita no kontribuisaun Prezidensia nia ba komunidade sira nee hanesan ba reabilitasaun no dala ruma komunidade tau sira nia osan husu apoiu tan Prezidente fo, no iha Suia iha 4 ida iha Salele, rua iha sumalai remata no seluk tan, no ita apoiu boot liu 10 mil dolar nee boot liu tanba ita hotu hotu hatene prezidente laos ezekutivu nee hanesan kontribuisaun ba komunidade sira balun 5 mill dolar,” katak nia.
(eme)
