DILI, STLTIMORLESTE.com – Prezidente Republika (PR), Jose Ramos Horta presta omenajen ba eroi sira iha monumentu masakre Setembru Negro Suai.
Bainhira remata presta omenajen ba eroi sira, Prezidente Republika, Jose Ramos Horta ba jornalista sira iha Suai Vila, Kuarta nee (26/03/2025) hatete, antes halao atividade Prezidente Republika hahu uluk ho programa presta omenajen ba eroi sira iha monumentu masakre Setembru Negro Suai.
“Hahu programa, iha nee hahu hakruuk no tau aifunan ba martires sira iha Monumentu Masakre Setembru negro 1999 iha Suai, situasaun violensia makaas los iha momentu neeba, tanba nee hahu ho programa iha nee ita ho respeitu tau aifunan halo orasaun ba vitima sira Setembru Negro 1999,” katak PR, Horta.
Nunee mos Adminstrador Postu Administrativu, Fatumea, Cejar Madeira A. hatoo agradese ba Prezidente Republika bele mai vizita Munisipiu Kovalima, no presta mos omenajen ba vitima Setembru Negro.
Nunee mos Prezidente Administrativu Fohorem, Delfin Amaral Fereira hatete, sente triste haree fali ba istoria Setembru Negro nia neebe liu ona.
“Sente triste tanba momentu neeba hau mos nuudar Sekretariu no iha 1999 hau hela iha igreja nee duni no iha oras 12 kalan hau sai husi fatin nee, ami sai tiha rona Padre mate no hau mos nuudar Sekretariu Postu neeba,” katak nia.
(eme)
