DILI, STLTIMORLESTE.com – Prezidente Komisaun Funsaun Publika (KFP), Agostinho Letencio de Deus hatete, Prezidente Republika (PR) promulga Proposta Lei n.º 11/VI (1ª), atu implementa reforma obrigatoriu ba funsionariu publiku no ajente sira neebe idade too ona 65.
Kestaun nee Prezidente Komisaun Funsaun Publika (KFP) Agostinho Letencio de Deus deklara, hafoin remata audiensa ho komisaun A kona ba apresiasaun inisial proposta lei numeru 12/VI (2) Orsamentu Jeral Estadu ba tinan 2025.
“Prezidente Republika (PR) promulga tia ona dekretu nee iha loron hirak liu ba, no agora daudaun nee komisaun prepara hela dekretu lei sira kona-ba oinsa mak implementasaun reforma obrigatoriu nee,” hatete Prezidente KFP, Agostinho Letencio de Deus ba jornalista sira iha PN, Dili, Sesta (25/10/2024).
Lei tuir nia koalia kona-ba reforma obrigatoriu ba Funsionariu Pibliku no Ajente Administrasaun Publika, no autorizasaun neebe mak fo nee Funsionariu publiku no ajente sira neebe atu tama reforma obrigatoriu nee idade tenki too ona 65.
“Neebe se ita kaer husi idade nee mak Funsionariu publiku no ajente sira neebe 2,235 mak ida tama ona iha idade 65, no husi nee iha 40 resin mak ajente Administrasaun,” esplika nia.
Aleinde KFP hahu ona identifika ba Ministeriu ida neebe mak ema barak liu no husi nee preparasaun ida mak, atu reforma ema nain 2000 karik presiza rekruta fali ema nian hira.
“Agora daudaun nee Komisaun Funsaun Publika sei servisu hamutuk iha ekipa ida entre komisaun Funsaun Publika Ministeriu Finansas nomos Seguransa Sosial para atu hare Funsionariu sira neebe mak idade tama ona ba reforma,” esplika nia.
(alb)
