DILI, STLTIMORLESTE.com – Mandatu Prezidente Tribunal Rekursu (PTR) sei remata iha fulan Abril tinan nee, maibe too oras nee Prezidente Republika (PR) seidauk fihir figura ruma hodi troka.
Prezidente Republika, Jose Ramos Horta hatete, ema neebe asumi kargu labele husi partidu, maibe mai ho indepedente duni.
“Nee mandatu Prezidente nian, maske Governu anterior tenta hadau tiha kompetensia Prezidente nian halo lei ida no halo lei ida ke book fali konstituisaun nee kompetensia Prezidente nian, Governu haree ona lei ida ba Parlamentu para kurizi lei anterior ke Governu anterior halo nee book fali mandatu poder neebe pertense ba Prezidente tuir konstituisaun, maibe hau sei rona Governu koalia tiha ona dala barak liu kona-ba Governu, Governu haree daudaun naran ruma hau hatete hau nia staf keta falha konsulta ho Konselhu Superior Majislatura tuir prosedimentu sira nee hotu,” dehan Prezidente Republika, Jose Ramos Horta ba jornalista sira, bainhira remata partisipa asina memorandu entre Instituto Camões nomos Ministeriu Edukasaun iha EBF Farol, Dili, Kinta (03/04/2025).
Prezidente Republika hatete, ema neebe mak atu kandidata aan ba iha Juiz ka Prezidente Tribunal Rekursu labele husi partidu, maibe ema neebe indepedente duni.
“Buat ida ke importante todan ba hau se kandidatu ba juis ruma ke hau laiha konfiansa 100%, tanba kandidatu nee besik demais partidu ida nee no partidu ida neeba, rekomendasaun bele mai husi neebe hau la fo, tenke ema neebe hatudu duni kompetensia nia estudu klaru se nia iha Tribunal Rekursu entaun tinan lubuk ida ona maibe sei haree tinan sira nee nia laran nia rekor indepedente ka lae,” dehan PR, Horta.
(eme)
