DILI, STLTIMORLESTE.com – Prezidente Republika (PR) Timor Leste (TL), Jose Ramos Horta ho Prezidente Portugal halo abertura kona-ba konferensia estoril harii pas, iha kampus Nova SBE.
Tuir komunikadu nee STL asesu husi media Prezidente Republika Sesta( 25/10/2024) hatete, Prezidente Timor-Leste, Ramos-Horta, hamutuk ho Prezidente Portugal, Marcelo Rebelo de Sousa iha Sesaun Abertura Konferensia Estoril nian, neebe halao iha Kampus Nova SBE iha Carcavelos. Eventu nee, ho tema tempu atu hanoin fila-fali, Aprezenta dialogu Prezidente ba Pas nian neebe proeminente no foka ba lideransa nasional no oinsa harii pas.
Durante sesaun minutu 30, Prezidente Ramos-Horta fahe nia hanoin kona-ba oinsa Lidera Nasaun ida ba Pas neebe Duravel Transforma Konflitu ba Harii Pas.
Ninia perspetiva lori pezu signifikativu, foti husi ninia esperensia luan iha rezolusaun konflitu no ninia papel hodi asegura pas iha Timor-Leste, esforsu sira neebe halo hodi Nia hetan Premiu Nobel Pas iha tinan 1996.
Prezensa prezidente nain-rua nian iha forum prestijiadu nee subliña relasaun diplomatiku neebe forte entre Portugal no Timor Leste, enkuantu sublina importansia kontínua husi inisiativa sira harii-dame nian iha kontestu global ohin loron nian.
Diskusaun nee ho objetivu atu fornese hanoin sira neebe iha valor ba líder sira atual no futuru nian neebe hasoru dezafiu sira neebe hanesan iha rezolusaun konflitu no rekonsiliasaun nasional.
Konferensia Estoril neebe halao iha eskola emprezarial ida nee importante tebes iha Portugaal, kontinua sai hanesan plataforma ida neebe importante tebes ba dialogu internasional kona-ba asuntu global sira neebe krusial, hodi halibur líder sira no peritu sira mundial nian hodi rezolve dezafiu urjente sira neebe ita-nia mundu hasoru ohin loron.
(eme)
