DILI, STLTIMORLESTE.com – Prezidente Republika (PR), Jose Ramos Horta vizita grupu benefisiariu programa NGO Move kona-ba Emprendedorizmu iha Palasiu Prezidensial.
Iha biban nee, Prezidente Republika Jose Ramos Horta liu husi diskursu iha Palasiu Prezidensial Nikolao Lobato, Bairo Pite, kuarta nee (14/05/2025) hatoo kongratulasaun ba grupu benefisiariu programa NGO Move kona-ba Emprendedorizmu iha Palasiu Prezidensial.
Iha biban nee Prezidente Republika mos hatoo agradese ba korpu diplomatiku sira neebe mak marka mos prezensa iha serimonia vizita grupu benefisiariu programa NGO Move kona-ba Emprendedorizmu iha Palasiu Prezidensial.
“Obrigadu ba ita boot sira nia prezensa iha serimonia vizita grupu benefisiariu programa NGO Move kona-ba Emprendedorizmu iha Palasiu Prezidensial, no obrigadu mos bele apoiu ona joven sira iha vida negosiu,” katak PR Horta.
Nunee mos benefisiariu programa NGO Move, Eduarda Paulina da costa Seixas hatete, sente kontente bainhira Prezidente Republika Jose Ramos Horta vizita sira nia fatin hodi haree direita sasan neebe sira faan.
“Nuudar joven ida neebe mak hahu ideia negosiu, hau sente kontente los tanba Prezidente Republika bele mai pasa vizita ou vizita liu tiha hau nia stay neebe mak iha nee, hau nuudar joven hau sente kontente tebes no orgulhu tebes ba prezensa Prezidente nia,” dehan nia.
Nia hatutan, tuir lo-loos nia halo brikerus ba labarik kiik sira maibe tanba dadaun nee sei iha prosesu pilotu nia laran entau nia planu dezenvolve uluk livru ho tipo oin oin liu liu ba labarik sira husi zero too 4 anos de idade.
Objetivu husi livru ida nee hakarak promove literasia iha labarik liu liu iha labarik idade zero anos too 4 anos livru sira nee halo husi hena hotu maibe iha futuru sei uza tipu oin-oin.
Eventu inovasaun no empreendedorizmu iha Timor Leste mak eventu ida neebe aprezenta empreendedor sira husi programa MOVE, neebe oferese testamunha inspirador, momentu interativu, no oportunidade diak ba networking. Showcase de Empreendedores destaka inovasaun no talentu empreendedorizmu iha Timor Leste.
Kona-ba Programa Move Programa MOVE fo kbiit ba Empreendedor Timoroan sira liu husi treinamentu kompletu, mentoria, no apoiu finanseiru atu dezenvolve negosiu sustentavel no inovador neebe responde ba dezafiu lokal enkuantu dudu kresimentu ekonomiku iha Timor Leste.
Eventu nee gratuitu no nakloke ba publiku husi tuku 10 dader too tuku 5 lorkraik, hamutuk selebra ekosistema empreendedorizmu Timor Leste nian.
Benefisiariu programa NGO Move kona-ba Emprendedorizmu iha palasiu Prezidensial marka Prezensa husi Prezidente Republika Jose Ramos Horta, Xefe kasa Militar, inklui korpu Dipolomatiku sira.
Iha benefisiariu programa NGO Move kona-ba Emprendedorizmu faan sasan oin oin husi livru hahan ou produtu lokal no seluk tan.
(eme)
