DILI, STLTIMORLESTE.com – Pre Eskolar Moris Foun I agradese ba Ministeriu Edukasaun (ME), tanba tinan nee bele hahu halo sira nia konstrusaun ba edifisiu foun, neebe lokaliza iha EBC Fatumeta.
Preokupasaun nee hatoo husi Koordenadora Pre Eskolar Moris Foun I, Domingas Beatriz da Cunha ba STL iha nia knaar fatin, Kuarta nee (20/11/2024).
“Konstrusaun ba ami nian edifisiu foun nee, momentu sira sukat nee ba sala rua deit, armazen la boot, maibe kiik, ho kuzina, sala profesores nomos jardin ba labarik sira halimar iha oin. Ami nian konstrusaun nee sei hahu iha Novembru tinan ida nee, no tuir planu sei entrega iha Marsu 2025,” nia deklara.
Nia dehan, edukasaun fo ona edifisiu foun ida neebe agora daudaun sei iha faze konstrusaun nin laran, tanba nee agradese ba ME, no sira sente kontenti tebes, tanba sira bele iha edifisiu foun ida neebe mak seguru ba sira, tanba durante tinan barak nia laran sira seidauk iha edifisiu ida neebe permanenti.
(jac)
