DILI, STLTIMORLESTE.com – Estudantes husi Pre-Eskolar Moris Foun I hamutuk 117 sei halo graduasaun iha loron 26 fulan nee, tanba nee husi eskola koopera diak ho inan aman estudantes, nunee serimonia refere bele lao ho diak.
“Ami iha nee estudantes hamutuk 117 mak atu gradua ba tinan ida nee. Nee duni numeru estudantes ida mak prepara ba iha graduasaun ninia, agora preparasaun ba graduasaun nian nee ami servisu hamutuk ho inan aman estudantes sira nian, tanba nee buat hotu inan aman sira mak sei prepara hotu, tanba sira hakarak sira nia oan atu gradua, tanba tinan-tinan iha graduasaun,” dehan Koordenadora Pre Eskolar Moris Foun I, Domingas Beatriz da Cunha ba STL Kinta nee (21/11/2024).
Nia dehan, buat ida graduasaun nee laos buat foun ida, tanba kada tinan labarik neebe mak pasa ona ba zero boot nee tenke halo ona graduasaun, no inan aman estudantes mak sei sosa ropa ba graduasaun ninia. Nee duni husi eskola servisu hamutuk ho inan aman hodi halo preparasaun ba graduasaun.
Nunee mos Beatriz de Jesus Maia hanesan inan husi estudante hatete, los duni katak, preparassun ba graduasaun nee inan aman servisu hamutuk ho eskola, no husi estudantes nia inan aman mak sei prepara buat hotu ba iha graduasaun refere.
(jac)
