DILI, STLTIMORLESTE.com – Maske profesores sira iha eskola MunisÃpiu Dili sufisiente ona, maibe presiza rekruta manorin neebe atu substitui iha reforma ninia.
Superintendente Edukasaun Munisipiu Dili, Cesarina Correia Guterres dehan, sira nia observasaun iha eskola em jeralmente manorin sufisiente, maibe presiza prepara rekursus atu substitui fali manorin sira neebe mak atu reforma.
“Hau hanoin tanba dadus sira ami relata no agora mos sira halo hela transferensia ba manorin sira neebe tama mai no bolsa kandidatu sira. Tuir ami nia observasaun iha eskola em jeralmente manorin sufisiente, maibe ita mos presiza prepara rekursus atu substitui fali manorin sira neebe mak atu reforma,” afirma Cesarina ba STL, Kuarta (08/10/2025).
Nia hatete, total profesores iha eskola sira Munisipiu Dili hamutuk 2.042, nee husi nivel Pre Eskolar too iha nivel Sekundariu no Tekvo. Total eskola hamutuk 231, kompostu husi eskola privadu, katolika, publika no internasional school.
Iha fatin seluk, Diretor Servisu Edukasaun Munisipiu Likisa, Julio da Silva hatete, atu koloka tan profesores hodi bele substitui fali profesores neebe tama ba reforma ninia, iha nee profesores 50 resin sei tama ba reforma.
Jornalista: Jacinta Sequeira
Editora: Domingas Gomes
