DILI, STLTIMORLESTE.com – Ensinu Baziku Filial (EBF) nu. 5 Komoro prepara ona relatoriu konsesaun eskolar tinan 2024, tanba osan nee tama konta bankaria depende ba relatoriu neebe eskola sira hatama ba Ministeriu Edukasaun (ME).
“Osan konsesaun eskolar uluk nee iha sentral, maibe agora tinan ida nee ho tinan kotuk nee fahe ona mai ami EBF, ami mos kaer ona osan hodi bele halo jestaun rasik, maibe tinan nee konsesaun eskolar seidaik tama, ami nian relatoriu mos seidauk hatama, balu hatam ona, maibe sei cek fila fali, se karik los ita haruka, se sala karik ita hadia fila fali, kona-ba relatoriu nee eskola balu hatama uluk ona no balu seidauk,” dehan Koordenador EBF nu. 5 Komoro, Marcelino Moniz de Araujo ba STL iha nia knaar fatin, Kinta nee (20/03/2025).
Nia dehan, sira nian relatoriu hotu ona, tanba tinan nee osan konsesaun eskolar too agora seidauk tama, tanba iha ninia regras bainhira haruka ona relatoriu mak osan nee bele tama iha konta.
Iha fatin seluk, Diretor EBC Manleuana, Carlos Correia dehan, osan konsesoins ba tinan ida nee seidauk tama, maske sira nian relatoriu 2024 nian hatama tiha ona, maibe osan mak seidauk sai, karik seidauk sai, tama ezame bele kopia hela materia ezame sira nee iha rental, osan sai mak selu fali.
“Hau hanoin konsesoins ba tinan ida nee seidauk tama, maske sira nian relatoriu 2024 nian hatama tiha ona, maibe osan mak seidauk sai, karik seidauk sai, tama ezame bele kopia hela materia ezame sira nee iha rental, osan sai mak selu fali,” nia afirma.
(jac)
