DILI, STLTIMORLESTE.com – Governu presiza fo protesaun neebe diak ba labarik sira, tanba labarik sira mak sai prosesu kontinuidade ba Estadu Timor Leste (TL).
“Ita presiza duni atu fo protesaun no responsabilidade masimu ba oan sira, liu-liu ida menoridade atu bele livre husi problema, konflitu, asediu seksual no seluk tan, tanba diretu labrik nee importante liu iha mundu,” dehan Koordenador ba projetu UNICEF, Helio Roberto Dias ba STL iha Tasi Tolu, Dili, Tersa (05/11/2024).
Nia dehan, Estadu Timor Leste ratifika ona lei ba protesaun labarik, tanba nee presiza fo salva-guarda ba labarik, oinsa bele fo responsabilidade diak liu husi organizasaun sira neebe iha, atu asegura katak operasaun no programa la halo aat ba labarik sira neebe mai kontaktu ho sira nia servisu.
Tanba labarik sira neebe iha risku, hatene saida mak konstitui abuzu ba labarik no prosedimentu sira neebe ba Futuru iha atu salva-guarda labarik sira, hodi moris ho ambiente neebe laiha violensia, laiha konflitu no laiha asediu seksual hasoru labarik feto no mane.
Entretantu hanesan formadora husi UNICEF, Nadia Riberro afirma, politika salva-guarda protesaun ba labarik sira, presiza fo protesaun ba labarik sira nia seguransa no oinsa sira bele lao livre, asesu edukasaun sira ho livre, atu servisu hodi asegura sira nia aan ho livre, tanba harii matadalan neebe klaru ona, kona-ba identifikasaun hatoo keixa, no responde ba preokupasaun salvaguarda labarik protesaun ba labarik nian.
Tanba nee mak husi padraun sira neebe atu fo protesaun ba labarik sira, klaru no defini sinal avizu kona-ba esplorasaun seksual, abuzu no asediu iha komunidade nia fatin.
(EST 1)
