DILI, STLTIMORLESTE.com – Iha fulan Janeiru 2025 nuudar fulan dahuluk ba 2025, tanba nee husu komunidade nafatin mantein pas no estabilidade.
Lia hirak nee hatoo husi Deputadu Bankada KHUNTO, Antonio Verdial katak, tama ba tinan foun 2025 presiza kria nafatin pas no estabilidade, tanba Timor Leste adapta dokumentus fraternidade umana.
“Haree ba tinan tuan 2024 liu ona, agora tama ba 2025 presiza lori buat foun, hahalok neebe la diak soe no ita nafatin kria pas iha ita nia nasaun”, katak Deputadu husi Bankada KHUNTO, Antonio Verdial ba STL iha Parlamentu Nasional, Segunda (20/01/2025).
Nia dehan, nia observa entre tinan 2024 ho 2025, komunidade sira nia moris balu diak no balu sei iha susar nia laran, tanba nee presiza atensaun husi Governu, liu-liu halo eviksaun tenke kria kondisaun atu komunidade mos hakmatek.
Nafatin husu ba sidadaun hotu atu mantein pas no estabilidade, tanba pas no estabilidade mai husi ema idak-idak nia konsiensia.
(gui)
