DILI, STLTIMORLESTE.com – Reprezentante povu iha Parlamentu Nasional (PN) husu Governu liu-liu Ministeriu Saude (MS) atu halo fumigasaun ba susuk iha bairu sira neebe identifika hanesan risku ba moras dengue, nunee bele prevene populasaun sira husi moras nee.
Kestaun nee Xefe Bankada Partidu Demokratiku (PD) Deputatu, Manuel Henrique Noronha rekomenda liu husi plenaria PN, Segunda (26/01/2026).
“Husu ba Ministeriu Saude, se bele karik bele halo fumigasaun ba susuk ba fatin sira neebe identifika risku ba moras dengue, nunee bele hamenus tiha moras dengue ba ita nia komunidade liu-liu labarik sira,” hatete deputadu Manuel Noronha.
Fatin hanesan, deputadu Bankada partidu Kongresu Nasional Rekonstrusaun Timor (CNTR) Gabriel Soares mos preokupa ho tebes ho moras dengue neebe oras nee komesa daet ba populasaun sira.
Tan nee, nia husu ba iha populasaun atu kuidadu aan, tanba moras dengue nee fo amiasa tebes ba ema vida.
“Fo hanoin mos nafatin mai ita, no ba iha populasaun tomak iha tempu udan nee, ita tenke kuidadu, dehan katak saude iha ita idak-idak nia liman rasik, tanba ita ikus-ikus nee moras ida dengue nee aas,” dehan nia.
Deputadu nee mos husu ba populasaun sira atu idak-idak hamosu nia uma leet sira, tanba duut no lixu ladun seguru, no susuk bele domina bele tata hadaet nafatin moras dengue nee ba komunidade sira seluk.
“Tanba ita haree katak kazu ida dengue nee kuzae ke purvolta 200 ital pessoas ke akuza kona-ba moras dengue, no hau enkoraja diak liu tan profisionais Saude sira par atu bele tau atensaun didiak ita nia komunidade no sidadaun sira neebe mak karik susuk tata no moras dengue nee hadaet ba ita nia isin lolon,” tenik nia.
(alb)
