DILI, STLTIMORLESTE.com – Atualizasaun previzaun tempu bá loron ohin, Kinta (19/03/2026) atensaun espesial bá velosidade anin iha rejiaun kosteiras prinsipalmente iha Kosta Leste, liu-liu iha munisipiu sira hanesan Dili, Atauro, Baukau, Manatuto no Lautem.
Tuir informasaun neebe diariu nee sita husi rede sosial Diresaun Nasional Meteorologia no Geofisika (DNMG) iha loron nee hatete, velosidade anin ba loron ohin sei kontinua persiste varia husi moderadu/naton ba forte liu/extremu (18-23 km/h) iha munisipiu sira neebe mensionadu ona iha leten. Restante munisipiu tantu iha Rejiaun Central, Oeste kuantu iha Sul, kondisaun refere sei varia husi normal ba moderadu/naton (8-16 km/h). Enkuantu Laloran Tasi nia aas ba loron ohin sei norma (0.4-0.8 m) tantu iha Kosta Norte kuantu iha Sul.
Enkuantu atensaun bá udan ho intensidade moderadu/naton ( >10 mm/dia) no lokalmente forte (~20 mm/dia) kuaze iha territoriu nasional.
Ministerio dos Transportes e Comunicações (MTC) liu husi DNMG hakarak informa ba publiku katak kondisaun atmosfera sei kontinua persiste instavel, akompanha ho fenomeno meteorolojiku hanaran: (Madden Julian Oscilation “MJO”) ne’ebe iha faze ativa, akompanha ho prezensa sistema Meteorolojiku hanesan (Low Pressure System/sistema baixa pressaun) neebe mak agora daudauk halo tranzisaun iha Kosta Nordeste Australia nian, sei influensia indireta mai ilha Timor, iha neebe sei kontinua favorese udan ho intensidade moderadu/naton ba forte kuaze iha territoriu nasional, tantu iha Rejiaun Kosteiras kuantu iha rejiaun Montanhas/foho durante period lorokraik ba inisiu kalan no madrugada.
(dom)
