DILI, STLTIMORLESTE.com – Prezidensia Republika halo koleborasaun ho IX Governu Konstitusional sei realiza eventu boot tolu iha tinan ida nee.
Prezidensia Republika hamutuk ho Governu sei selebra eventu boot tolu iha Timor Leste iha tinan ida nee mak hanesan Science for Development Summit 2026, Dili Maratona Internasional no Natal do Povu.
Visi Premeiru Ministru hanesan mos Prezidente Komisaun Organizadora, Francisco Kalbuady Lay ba jornalista iha Palasiu Prezidensial Nicolau Lobato, Bairo Pite Tersa (31/03/2026) hatoo agradese ba Prezidente Republika Jose Ramos Horta ho inisiativa halo eventu tolu iha 2026.
Servisu ida nee hahu kedas kuandu Prezidente Republika asume nia kargu hanesan Prezidente hahu kedas inisiu tinan tinan halo atividade hanesan nee.
“Tinan ida nee ita selebra iha 2026 iha espesial rua tanba akordo ka intendementu neebe iha konkordansia entre Prezidensia ho Governu neebe mak lidera husi Primeiru Ministru Kay Rala Xanana Gusmão, atan oan hau depois reuniaun konsellu Ministru husi pedidu husi Prezidente nia husu hau ho ita boot sira hamutuk hau mak lidera hamutuk ho Xefe Kaza Sivil Prezidensia atu haree atividade neebe neebe ita halao hamutuk, ho ida nee ita hotu agradese ba Primeiru Ministru nomos Prezidente Republika neebe fo ona fiar ba hau no ita hotu,” dehan Visi Primeiru Ministru.
Visi Primeiru Ministru hatutan tan katak reuniaun dahuluk ida nee nuudar pontu aranka ba kordenasaun konjunta nia.
Servisu ida nee kolaborasaun entre Prezidensia Republika ho Governu iha eventu 3 neebe iha komviversia ho impaktu nasional no projesaun ba internasional.
Ohin ekipa husi Prezidensia Republika hamutuk ho Governu hahu halo enkontru no Objetivu nee operasional husi reuniaun ida nee mak konfirma estrutura kordenasaun.
Atividade 3 neebe hahu iha tinan ida nee mak Dili Internasional Maratona, reprezenta kapasidade organizasaun nasaun nia atu kria Pas no potensial Turismo sustentavel, Segundu Siencia ba dezenvolvimentu Sumit nee hanesan plataforma dialogu global kona-ba siensia no inovasaun no dezenvolvimentu inkluzivu, terseiru pontu Natal do povu.
Nunee mos Xefe Kasa Sivil Henriqueta Maria da Silva hatutan dadaun nee halo ona rejistu ba Dili Internasional Maratona se deit mak iha intrese ba kompete iha Haft Maratona no full maratona iha 8 Agosto bele rejistu ona.
Iha biban nee Xefe Kasa Sivil hatoo agradese ba membru Governu hotu neebe marka prezensa hodi halo enkontru ba preparasaun programa Prezidente Republika nia.
“Ami adianta oituan koko tradus orientasaun polítika sua Exelensia Prezidente Republika nia neebe mos hetan konkordansia iha enkontru regular ho sua Exelensia Primeiru Ministru ami tradus teknikamente mais neste momentu hanesan mos esbosu para ita haree oinsa teknikamente ita atu implementa halo nusa ,” katak Xefe Kasa Sivil.
Xefe Kaza Sivil hatete eventu tolu neebe implementa rua mak internasionalmente laos Nasional deit maibe internasional.
“Dili Internasional Maratona tinan ida nee ita espera ita bele lori 7 Mill partisipante tun iha terenu para atu halo promosaun ba eventu ida nee hanesan eventu internasional nomos atu promove ita nia nasaun katak ita iha Pas ita iha harmonia nunee bele halo dezenvolvimentu lao diak liu tan,” katak nia.
Aleinde nee Prezidente Republika Jose Ramos Horta hatete, tinan ida nee Timor Leste sei halao eventu internasional oin oin.
“Lista dignitariu internasional sira ho pozisaun aas neebe ilustra Timor nia nasaun nia integrasaun internasional luan tebes no iha tinan ida-nee ita sei iha oportunidade atu halao eventu internasional oioin neebe sei presiza prosedimentu seguransa nian, mak hanesan, Ida uluk, Science for Development Summit 2026, sei halibur grupu esepsional ida hosi manan-nain sira Premiu Nobel nian, vensedor sira Premiu Turing nian, sientista sira, ekonomista sira no líder dezenvolvimentu global sira neebe naran boot, hodi oferese forum uniku ida ba dialogu kona-ba siensia, edukasaun no inovasaun ba dezenvolvimentu sustentavel, Eventu daruak maka selebrasaun ofisial ba tinan 30 Premiu Nobel Pas nian, neebe sei reforsa trajetoria dame, rekonsiliasaun no konstrusaun Estadu iha Timor-Leste,” dehan Prezidente Republika.
Xefe Estadu hatete Akontesimentu sira-nee, hamutuk ho Maratona Internasional Díli (agostu 2026), Festival Internasional Sinema Díli no fila fali korrida bisikleta Tour de Timor, hatudu laos deit ospitalidade rain nian, maibe mos kompromisu Timor-Leste nian ba siensia, edukasaun, desportu, arte, dialogu no kooperasaun internasional nuudar instrumentu ba progresu inkluzivu no sustentavel sira.
(eme)
