DILI, STLTIMORLESTE.com – Prezidente Republika (PR), Jose Ramos Horta ba fali ona Japaun, hodi partisipa Loron Nasional Timor Leste nian, iha Expo Osaka 2025.
Prezidente Republika, Jose Ramos Horta ohin kinta (21/08/2025) halao vizita ofisial ba Japaun husi loron 21 too loron 29 fulan Agostu, nuudar konvidadu Governu Japaun nian, hodi partisipa Loron Nasional Timor Leste nian iha Expo Osaka 2025.
Vizita ida nee sublina lasu amizade no parseria neebe metin no dura entre Timor Leste no Japaun. Japaun sai nuudar apoiante metin ba Timor Leste dezde restaurasaun independensia, fo asistensia vital iha area infraestrutura, dezenvolvimentu kapital umanu, governasaun, no harii pas.
Prezidente Republika, Ramos Horta valoriza Timor Leste nia parseria metin ho Japaun, hodi hateten katak japaun hanesan parseria metin ho Timor Leste dezde restaura indepedensia.
“Japaun sai hanesan parseiru ida neebe metin ba Timor Leste dezde restaurasaun ita nia independensia. Vizita ida-nee hanesan oportunidade ida laos deit atu selebra ita nia amizade maibe mos atu trasa dalan foun ba kooperasaun neebe fo benefísiu ba ita nia povu,” dehan PR, Horta.
Durante vzita Programa Destake sira iha Japaun, Prezidente Ramos-Horta sei halo atividade importante lubuk ida, Enkontru ho Primeiru Ministru Japaun, Prezidente Ramos Horta sei halao almosu ofisial trabalhu ho Primeiru Ministru, iha neebe diskusaun sira sei foka ba aprofundamentu kooperasaun bilateral iha area sira hanesan dezenvolvimentu ekonomiku, oportunidade investimentu, enerjia renovavel no pas no seguransa rejional.
Enkontru ho Primeiru Ministru Japaun Prezidente Ramos Horta sei halao almosu ofisial traballu ho Primeiru Ministru, iha neebe diskusaun sira sei foka ba aprofundamentu kooperasaun bilateral iha area sira hanesan dezenvolvimentu ekonomiku, oportunidade investimentu, enerjia renovavel, no pas no seguransa rejional.
Expo 2025 Osaka, Kansai Prezidente sei partisipa iha Loron Nasional Timor-Leste nian iha Expo Mundial, iha neebe Timor-Leste sei hatudu ninia kultura, istoria, no aspirasaun sira nuudar parte ida husi komunidade global. Selebrasaun ida nee fo oportunidade atu destaka nasaun nia realizasaun sira no potensial futuru nian iha turizmu, investimentu, no interkambiu kultural.
Konferensia Azia HPAIR 2025 – Prezidente Ramos-Horta sei hatoo diskursu prinsipal iha inisiativa konjunta ida neebe organiza hosi Harvard no Universidade Tokyo, Konferensia Projetu Harvard ba Relasaun Azia no Internasional (HPAIR). Ninia diskursu sei reflete Timor Leste nia viajen reziliensia nian no ninia perspetiva sira kona-ba kooperasaun global, lideransa, no integrasaun rejional.
Vizita ba instalasaun sira Tsuneishi nian Prezidente sei vizita instalasaun Tsuneishi nian iha Fukuyama, hodi partisipa iha entrega ro foun ida no vizita instalasaun sira empreza nian, tuir estabelesimentu Tsuneishi nian foin lalais nee iha Timor Leste iha tinan 2024.
Universidade Nasoins Unidas iha Tokyo Prezidente sei hatoo palestra ida iha Universidade ONU, partilha lisaun husi Timor Leste nian esperiensia kona-ba harii pas, demokrasia no dezenvolvimentu sustentavel. Nia mos sei sublina importansia hosi kolaborasaun internasional hodi responde ba mudansa klimatika, dezigualdade no dezafiu seguransa global.
Liu husi vizita ida nee, Timor Leste reafirma ninia kompromisu atu hametin parseria ho Japaun no kontribui ativamente ba dialogu rejional no global. Kompromisu hirak nee sei destaka papel kresimentu Timor Leste nian nuudar demokrasia joven, konstrutor ponte iha Azia no Pasífiku, no nasaun ho kompromisu metin ba pas, kooperasaun, no dezenvolvimentu sustentavel.
(eme)
