DILI, STLTIMORLESTE.com – Prezidente Senadu Reinu Kamboja sei vizita Timor- Leste (TL) durante loron 3, hahu husi loron 7-9 fulan Maiu 2025.
Diretor Jeral Asuntu Bilateral ba Azia no Oseania MNEK, Marcos da Costa informa ba jornalista iha Palasiu Prezidensial Nicolau Lobato, Tersa (29/4/2025).
Tuir Marcos katak, Prezidente Senadu Reinu Unidu Kamboja sei vizita TL durante loron 2, tan nee, TL sei halo enkontru interministerial hodi diskute preparativu sira ba vizita Senadu Reinu Kamboja. Koalia mos kona-ba programa preparasaun vizita eis Primeiru Ministru neebe mai agora iha dia 7 too dia 9 maiu nee hanesan prezidente senadu Kamboja.
Alende nee Xefe Casa Civil Prezidencia Republika, Jesuína Maria Fereira Gomes dehan, sorumutu hanesan ho Vise Primeiru Ministru, Ministru Koordenador Assuntu Ekonomiku no Ministru Turizmu no Ambiente, Francisco Kalbuadi Lay, iha Sabadu nee sei halao enkontru interministerial hodi koordena preparativu sira ba vizita ofisial husi Prezidente Senadu Reinu Kamboja.
Reuniaun ida neee konta mos ho prezensa husi reprezentante sira husi ministeriu oioin, inklui husi Diretora Jeral Primeiru-Ministru, Parlamentu Nasional, Ministeriu Negosiu Estanjeiru, Ministeriu Interior, Casa Militar Prezidensia Republika, Polísia Nasional ho resposavel sira ba Aeroportu.
Durante enkontru, diskute ona tema sira hanesan media nian, protokolu no oinsa atu simu iha Aeroportu no Palacio Prezidencial, programasaun ofisial husi vizita no medida seguransa.
Durante reuniaun, Vise Primeiru Ministru, sublina importansia husi organizasaun ida neebe kuidadoza, destaka tenki mobiliza atu bele garante susesu husi vizita nee. Vizita Prezidente Senadu Kamboja reprezenta marku ida husi relasaun diplomatika Timor-Leste ho Kamboja sai simboliza amizade no respeitu mutu neebe liga nasaun rua.
(eme)
