DILI, STLTIMORLESTE.com – Visi Primeiru Ministru hanesan mos Primeiru Ministru Interinu, Mariano Assanami Sabino, reprezenta Primeiru Ministru, Kay Rala Xanana Gusmão, deklaradu ofisialmente loke Jogos Desportivu Comunidade dos Países de Língua Portuguesa (CPLP) ba dala XII iha Estadiu Munisipal Dili.
Liu husi diskursu abertura nee, Visi PM Interinu, Mariano Assanami Sabino hatoo pontu importante sira husi objetivu Jogu CPLP nee rasik mak oinsa unifika espkritu selebrasaun juventude no valorizasaun ba diversidada kultural.
“Hau lori povu Timor Leste (TL) nia naran fo Benvindu ba delegasaun sira neebe partisipa no hatan importansia desportu nian hanesan instrumentu ba inkluzaun, dame no kooperasaun iha povu lusofonu sira ho tema Unidos Somos Um So, tema ba eventu nee, hatudu hanesan simbolu fraternidade hodi hametin pais CPLP sira.
Primeiru Ministru Interinu mos hatan papel importante desportu nian iha empoderamentu juventude no jogu sira nian hanesan espasu ba partilha no konstrusaun ponte entre nasaun sira.
Visi PM, Mariano Assanami Sabino agradese ba prezensa delegasaun sira neebe partisipa no fo mensajen ida, hamnasa, kontente, halo jogu ho lealdade no hakmatek.
“Hamutuk ita harii futuru ida prosperu iha pais CPLP no apelu nee fo ba atleta joven sira iha Jogu CPLP,” dehan Visi PM, Mariano Assanami Sabino.
Iha oportunidade hanesan, Ministru Juventude Desportu Arte no Kultura, Nelio Isaac Sarmento apresia tanba eventu jogus Desportu CPLP foin primeirabes realiza iha nasaun TL.
“Ita apresia no kontente teb-tebes, tanba eventu Jogus Desportu CPLP ba dala XII foin primeirabes halao iha ita nia nasaun, ida nee momentum furak neebe nuudar Timor oan, orgulhu, mai ita kaer liman hamutuk hodi susesa eventu Jogus Desportivu CPLP neebe tinan nee halao iha ita nia nasaun,” dehan nia.
Iha biban nee Minitru husu ba joventude sira iha rai doben TL, atu promove nafatin paz, dame no unidade hodi promove kultura nuudar abut ba dezenvolvimentu iha pais CPLP no promove turizmu liu husi eventu importannte sira hanesan dadauk nee.
(jos)
