DILI, STLTIMORLESTE.com – Primeiru Ministru (PM), Kay Rala Xanana Gusmão kontinua akompanha kontaktu sira ho hospitais nasaun Malazia, Indonezia no Singapura, kontinua loke odamatan hodi halo atendimentu ba pasiente Timoroan.
Visi Ministru Asuntu Parlamentar (VIMAP), Adérito Hugo hatete, ohin halo diskusaun ba setor lubuk ida hanesan iha setor saude nian, neebé halo kontaktu ho ospitais sira iha nasaun 3 hanesan Malazia, Indonezia no Singapura, nunee normaliza sira nia atendimentu ba pasiente sira.
“Primeiru Ministru mos halo akompanhamentu ba kontaktu sira, atu nunee nasaun 3 sira nia ospitais nafatin loke odamatan, hodi simu no atende pasiente Timor-oan neebe ba halo tratamentu iha neeba”, informa Visi Ministru Asuntu Parlamentar Adérito Hugo, ba jornalista, iha Palasiu Governu, Dili, Kinta (24/10/2024).
Aleinde Konselhu Ministru mos aprova projetu Dekretu-Lei, neebe aprezenta husi Ministru Prezidensia Konselhu Ministrus, Agio Pereira, no husi Sekretariu Estadu Komunikasaun Sosiál, Expedito Dias Ximenes , kona ba alterasaun dahuluk ba Dekretu-Lei n. 42/2008, loron 26 fulan Novembru, neebe transforma Rádiu no Televizaun Timor Leste (RTTL, E.P.) ba empreza públika.
Ohin tuir Aderito katak, membru governu sira aktualiza situasaun rai laran ba Primeiru Ministru (PM) durante PM halao vizita estudu ba rai liur, aleinde nee iha dia ajenda ida kona bá apresiasaun alterasaun lei ba RTTL. Ep nian, neebe primeira alterasaun, atu halo ajustamentu, depois de RTTL.Ep goja administrativa, finansia autonomia, patrimonia estadu nian, durante tinan barak nia laran, halo ajustamentu ba orgaun sira neebe funsionamentu iha RTTL.Ep, neebe halo apresiasaun no aprovasaun, hein para prepara hodi haruka ba Prezidente Republika.
Nia esplika , proposta nee aprezenta husi Sekretariu Estadu Komunikasaun Sosial (SEKOMS), Expedito Dias.
Alterasaun sira neebe propoin ho objetivu atu adapta Rádiu no Televizaun Timor-Leste (RTTL, E.P.) ba ezijénsia teknolójiku no administrativu foun sira, ho introdusaun televizaun terrestre dijitál. Diploma foun ne’e fó dalan ba RTTL, E.P. emisaun no jestaun ba kanál dijitál sira, hodi permite fleksibilidade boot liu iha distribuisaun konteúdu no hetan reseita adisionál. Aleinde permite transmisaun kanál gratuitu sira ho kontestu nasionál no internasionál, sei bele mós introdús servisu pós-pagu no pré-pagu, nunee reforsa ninia sustentabilidade finanseira.
Projetu nee mós preve eliminasaun Konsellu Opiniaun, neebé nunka implementa dezde kriasaun RTTL, E.P, no kriasaun kargu Diretór Ezekutivu, dependente diretamente ba Prezidente empreza públika, neebé sei fó apoia ba jestaun administrativa no finanseira empreza nian, hodi garante kontinuidade no governasaun diak. Ho alterasaun sira nee, ho intensaun atu hametin kompetitividade no kualidade servisu sira neebé fornese ba públiku, hodi garante emisora ida neebé modernu no efisiente no alinha ho norma sira setór nian.
(gui)
