AMBENO, STLTIMORLESTE.com – Primeiru Ministru (PM) Kay Rala Xanana Gusmão entrega Kruz Santu ba Sarani iha Kapela São Afonso, iha Bairru Maonese, Suku Naimeko, Postu Administrativu Pantemakassar, Rejiaun Administrativa Espesial Oecusse-Ambeno.
Cruz Santo nee, PM Xanana Entrega ba sarani São Afonso, Suku Naimeko hafoin komunidade simu PM ho tara tais, iha ninia vizita trabalhu ba povu Oecusse iha loron Segunda (19/01/2026) neebe halao iha kapela São Afonso, Suku Naimeko, sarani sira akompanha ho bidu husi grupo labarik tama ba kapela laran, maske ho kondisaun udan, la satan vontade Xefe Governu lori Kruz Santu nee ba sarani no povu Suku Naimeko simu PM ho alegria no kontente.
Intelektual Naimeko oan, Jose Neno Ase, atual Diretor Rejional Terras Propriedade Serbisu Kadastru reprezenta sarani no povu Suku Naimeko, agradese ba Xefe Governu, maske ho kondisaun udan boot, la satan vontade hodi lori Kruz Santu, entrega ba sarani no povu iha kapela São Afonso, Suku Naimeco, tanba nee agradese ba PM Xanana.
“Ami agradese ba PM Xanana, maske ho kondisaun udan boot, maibe konsege mai too ami nia fatin kapela São Afonso, Suku Naimeco,” dehan Jose Ase Neno liu husi ninia deskursu, Segunda (19/01/2026).
Iha biban nee, PM Kay Rala Xanana Gusmão, husu kona ba konstrusaun Kapela São Afonso, iha Bairru Maonese, Suku Naimeko husi neebe, sarani sira responde katak husi sarani kapela São Afonso, Suku Naimeko mak konstrui rasik no konstrusaun seidauk remata tanba sarani sira halo kapela nee uza sira nia kbiit no forsa rasik maka konstrui kapela nee.
“Apresia teb-tebes ba imi nia esforsu boot, imi nia hakarak, imi nia sakrifisiu loron-loron nian, hau mos kontente tanba, hateke husi rohan ba rohan, sarani sira barak maka serbisu harii konstrusaun kapela São Afonso iha Suku Naimeko, tanba nee imi hatudu duni katuas ida nee nia saktifisiu boot, halo kapela nee ba labarik foin sae sira hotu, liu-liu ba labarik kiik oan sira, tanba nee husu ba estudante oan sira hotu atu eskola, estuda makaas sai matenek, serbii uma kreda no estadu,” dehan nia.
PM Xanana dehan, kapela nee halo husi ferik no katuas sira hotu nomos alin feto no alin mane sira iha kapela São Afonso, Suku Naimeko, PM Xanana sei haforsa kbiit komunidade no sarani sira iha nee ho montente osan hamutuk US$ 2.000, atu finaliza obra kapela nee.
“Kapela nee harii husi hau nia aman no inan ferik sira nomos alin feto no alin mane sira iha kapela São Afonso, Suku Naimeko, ho kbiit imi nian, hau sei haforsa imi nia kbiit hodi finaliza obra kapela nee ho apoiu finanseiru osan hamutuk US$ 2.000,” dehan PM Xanana.
Nia afirma, foin maka primeira ves mai iha kapela São Afonso, iha Maonese, Suku Naimeko, durante nee mai Oecusse seidau mai iha fatin nee, maibe kontente tanba sarani sira nia sakrifisiu, konsege harii ona kapela nee.
Iha biban nee, PM Xanana husu ba Xefe Aldeia Maonese atu alista katuas no ferik sira neebe maka idade too ona maibe seidauk simu osan idozus, atu trata sira nia dokumentus hodi simu sira nia diretu pensaun idozus nian.
(jos)
