DILI, STLTIMORLESTE.com – Oras nee daudaun Prizaun Gleno akomula dadur hamutuk nain 106.
“Oras nee daudaun ita akomula dadur hamutuk nain 106, husi sira nee iha feto no mane,” dehan Diretor Prizaun Gleno, Cristrianho Salsinha ba STL telefone, Sesta (16/05/2025).
Nia hatutan, Prizaun Gleno iha mos Guarda Prizional sira hodi fo apoiu ba dadur sira.
Afirma, kona-ba lista indultu nian sira propoin ona kondenadu nain 5 nia naran ba iha Diresaun Ministeriu Justisa, hodi lori ba iha Prezidente Republika.
Iha sorin seluk, Jurista Jose Maria Guterres dehan, kondenadu sira bele hetan indultu, maibe Prezidente Republika mak iha kompetensia hodi deside kona-ba ida nee.
“Atu hetan indultu Prezidente Republika mak deside lista sira neebe haruka ba Prezidente Republika mak sei haree hodi deside,” dehan nia.
Reforsa tan, indultu bele haree mos husi sira nia metade da pena, bele mos haree ho razaun humana.
(ter)
