DILI, STLTIMORLESTE.com – Diretor Nasional Servisu Prizional no Reinsersaun Sosial (DNSPRS), Delfio Soares Alves hatete, Prizaun Suai bele tau dadur sira maibe tenke tuir nia estandar, atu nunee bele halao jestaun diak.
“Prizaun Suai nee tempu uluk bolu dehan Rumah Tahanan, nia dezenhu nee tau ema ho limitasaun labele liu husi 120,” dehan DNSPRS, Delfio ba jornalista sira iha Kaikoli, Segunda( 08/09/2025).
Nia dehan, haree ba natureza kazu neebe akontese balu iha kazu singular no mos balu iha kazu kolektivu, maibe iha area juridisaun Tribunal Suai nian prosesu ho julgamentu koletivu mak barak liu, tanba nee afeta ba dadur sira tama iha Prizaun mos barak.
Iha fatin ketak, Diretor Prizaun Suai, Rui Gonslaves dehan, tuir estandar neebe iha Prizaun Suai tuir lolos akomula deit dadur hamutuk nain 75, maibe liu ona husi numeru nee, iha dadur balu tenke halo fali transferensia ba iha Prizaun Gleno.
“Iha dadur nain 11 maka halo transferensia ba Prizaun Gleno, oras nee dadaun hela deit 123, “dehan Rui.
Tuir nia, razaun halo transferensia dadur sira husi Prizaun Suai ba iha Prizaun Gleno, tanba dadur barak liu maka iha Prizaun Suai fatin la sufisiente. No tuir estandar neebe iha, tuir loloos Prizaun Suai akomula deit dadur hamutuk nain 75.
Aleinde nee, Diretor Prizaun Gleno, Cristianho Salsinha dehan, foin lalais sira simu dadur transferensia dadur nain 11.”Foin lalais ami simu dadur transferensia husi Prizaun Suai mai iha Gleno hamutuk nain 11, razaun transfere mai tanba iha Prizaun Suai Over capasity,” dehan Cristianho.
Jornalista: Terezinha De Deus
Editora: Carme Ximenes
