DILI, STLTIMORLESTE.com – Ministru Komersiu Indutria (MKI), Nino Pereira hatete, durante nee MKI hamutuk ekipa halo inspesaun detekta produtu Xina inklui sasan importadu barak mak liu prazu, tanba nee MKI kontinua husu konsumidores bainhira sosa hetan labele nonok, maibe hatoo keixa ba AIFAESA ka MKI liu husi Diresaun Regulasaun Komersial Protesaun Konsumidores.
Nia dehan, durante nee Miniteriu Komersiu Industria liu husi Diresaun Regulasaun Komersial ho Protesaun Komsumidores nia servisu mak haree ba ida nee, halo monitorizasaun no halo akompanhamentu loron loron, kada fulan sira produtu, dokumentu ka relatoriu kona-ba inspesaun neebe mak halo iha loja sira nee, neebe no sira hetan irregularidade balun sasan liu prazu no hatoo keixa nee ba kedas AIFAESA.
Maibe iha mos inspesaun konjunta neebe mak liu husi diresaun relevante sira halo hamutuk tun iha terrenu detekta iha buat lubuk ida fabrika balu ka industria balu utiliza sala tiha lisensa ba halo fali buat seluk.
“Balun produs krimi husi sasan neebe mak prejudika ema nia saude, ida nee ita halo rutina husi Diresaun Regulasaun Komersial Protesaun Konsumidores inklui mos atu haree sasan neebe mak laiha informasaun hakerek ho letra Xina nian ka ou laiha informasaun klaru husi produtu nee rasik ba ita nia konsimidores sira, tanba nee mak komsumidores sira mak tenke kuidadu bainhira atu sosa produtu ida tenke haree didiak produtu nee nia kontiudu nee saida deit, liu-liu haree ba nia prazu nee,“ katak Ministru nee.
Membru Governu nee rekonhese katak, durante nee tuir ekipa nia observasaun protudu husi Xina no sasan importadu lubuk ida mak liu prazu, tanba nee husu Konsumidores bainhira hetan sasan liu prazu labele nonok, maibe tenke hatoo keixa ba ministeriu relevante.
“Ita rekonhese produtu Xina lubuk ida no ai-haan importadu lubuk ida liu ona prazu, tanba nee mak ita husu nafatin kolaborasaun husi parte hotu-hotu, liu-liu komsumidores sira, nuudar konsumidor ita iha direitu para halo keixa. No iha direitu atu halo defeza ba ita nia aan liu husi Diresaun Regulasaun Komersial Protesaun Konsumidores ou AIFAESA atu prosesa, tanba ita iha lei garante ba konsumidores, lei numeru 8/2016 nia ita hakarak fo relevansia bainhira iha asaun,” dehan nia.
(eme)
