DILI, STLTIMORLESTE.com – Profesores 120 husi Ensinu Sekundariu Tekniku Vokasional hamutuk 120 tuir formasaun iha area produtiva, formasaun nee sei termina iha fulan Dezembru tinan nee.
Haktuir Prezidente INFORDEPE, Domingos Martins ba STL iha salaun Ian Martin Balide, Tersa nee (29/10/2024).
“Ita halo parseria ida ho Governu Brazil, liu-liu ajensia kooperasaun, ita nian 11 profesores Brazileiru neebe mak daudaun nee destakadu iha Munisipiu 5 hanesan Munisipiu Baukau, Kovalima, Ermera, Bobonaro no Dili, sira nee fo formasaun area produtiva, tanba area produtiva ida nee ita hatene katak, laos teoria deit, maibe halo pratika,” dehan Domingos.
Domingos akresenta, maneira sira neebe mak profesores Brazileira hamutuk ho profesor sira halo mak dader halo akompanhamentu aula, no iha tempu livre fo konselhu individual ba profesores relasiona ho materia neebe sira hanorin.
(jac)
