DILI, STLTIMORLESTE.com – Profesores 25 husi Eskola Sekundariu Jeral (ESJ) nu. 4 Setembru Balide, naran laiha karga orariu no lista haruka ona ba Ministeriu Edukasaun (ME) hodi bele haree eskola neebe sei halerik ba profesores.
Lia hira nee hatoo husi Diretor ESJ nu. 4 de Setembru Balide, Sergio A. da Cruz ba STL iha nia knaar fatin Balide, Tersa nee (21/01/2025).
“Razaun mak nee, ita bazea ba dekretu lei nu. 31/2023, nee 24 oras pur semana hanorin estudantes, tanba nee hanesan funsionariu publiku, entaun bainhira bazeia ba dekretu lei profesores 25 nee laiha naran iha karga orariu, entaun naran nee haruka ba iha ME, para atu haree eskola sira neebe mak menus profesores bele hanorin iha neeba, tanba materia ida profesores labele hanorin lisuk estudantes, ida nee mak ESJ nu. 4 Setembru halo, no halo laos tuir gostu deit, maibe bazeia ba dekretu lei nu. 31 neebe ohin mensiona,” tenik nia.
Nia dehan, profesores halao knaar nuudar funsionariu publiku tenke servisu durante 24 oras, tanba profesores 25 nee karga orariu mak laiha, tanba nee haruka naran sira nee ba ME hodi haree fali eskola neebe halerik hela profesores, nuudar funsionariu publiku nee prontu atu hanorin iha neebe deit.
“Atu fo karta transferensia nee laos kompetensia eskola nian, maibe ida nee kompetensia ME nian, tanba ami nuudar direjente ami halao ou kumpri deit dekretu lei nu 31 nee, sira 25 nee naran ami haruka ba SEM Dili no nasional hotu,” nia dehan.
Nunee mos Alexandre da Costa Belo hanesan proessor iha eskola 4 de Setembru dehan, tuir buat sira koalia katak normaliza karga orariu, la tau sira nia naran iha karga orariu, tanba ho intensaun politiku no pratika vigansa muda ba eskola seluk no munisipiu.
(jac)
