DILI, STLTIMORLESTE.com – Profesores husi eskola sira iha MunisÃpiu Likisa hamutuk 56 tinan nee tama ona ba iha reforma obrigatoriu. Husi numeru nee barak liu iha ensinu baziku.
Liafuan nee hatoo husi Diretor Servisu Edukasaun Munisipiu Likisa, Julio da Silva ba STL liu husi telefoni, Segunda (05/01/2026).
“Ita nian profesores ho kondisaun moras iha Likisa nee nain 10 resin nunee. Durante nee sira la ativu hanorin estudantes sira iha eskola, dala ruma sira mai no dala ruma la mai, maibe sira nee tama hotu ona ba iha reforma. Nee duni ita nian profesores hamutuk 56 mak tama iha idade reforma obrigatoriu,” dehan nia.
Julio hatutan, profesores 56 nee husi nibel ensinu baziku mak barak, sekundariu jeral nain rua, pre eskolar nain tolu, restu nee ensinu baziku mak barak.
Iha fatin seluk Diretor Eskola Sekundariu Jeral 10 Dezembru Komoro, Manuel Verdial hatete, husi sira nian eskola presiza aumenta profesores, tanba daudaun nee sira nian profesores balun tama ba iha idade reforma ninia, ho nunee presiza substitui hikas ba hirak neebe tama ba reforma.
Jornalista: Jacinta Sequeira
Editora: Domingas Gomes
