DILI, STLTIMORLESTE.com – Profesores sai hanesan elementus importante hodi eleva kualidade edukasaun, tanba nee formasaun nafatin kontinua.
Tuir Deputadu Bankada PD, Armando Lopes katak, Ministériu Edukasaun sempre problema iha parte sosial, tanba nee parte sosial problema sei la hotu. Tanba Edukasaun evolusaun boot ida, nee jerasaun ida ba jerasaun mos problema sempre iha. Tanba nee atu hadia kualidade profesores sira presiza formasaun kontinua.
“Hau hanoin katak profesores sira sai elementus importante atu bele determina kualidade edukasaun, ita presiza kontinua formasaun ba professor sira, no fokus ba metodu ensinu no ba língua português, tanba português nee ita nia língua nasional, tanba nee hakarak ka lakohi tenke implementa iha eskola sira”, katak Deputadu Armando Lopes ba jornalista Kinta (05/12/2024), iha PN.
Nia dehan, ho problema sira neebe iha, orsamentu 2025 nee espera governu bele rezolve problema Edukasaun, liu-liu hadia kualidade profesores.
(gui)
