DILI, STLTIMORLESTE.com – Oras nee daudaun profesores husi Eskola Sekundariu Nobel da Paz hahu prepara ona pontus ezame segundu periodu ba estudantes sira.
Lia hirak nee hatoo husi Diretor Eskola Sekundariu Nobel da Paz, Jeremias P. de Jesus ba jornalista STL iha nia knaar fatin, Kuarta nee (09/07/2025).
“Ami nian kada profesores idak-idak foto kopia ona pontus ezame no sira hatama hotu ona mai iha eskola, tanba nee hein orariu ba ita nian estudantes sira para Segunda (14/07/2025) estudantes sira bele partisipa iha ezame segundu periodu ninia, oinsa estudantes sira bele prepara aan estuda,” dehan nia.
Nia hatutan, pontus ezame sira nee agora daudaun prepara hotu ona no estudantes husi eskola ida nee hahu husi nivel ensinu baziku too ensinu sekundariu sira hotu preparadu ona hodi hein Segunda partisipa iha ezame.
“Atu hetan
valor neebe diak iha ezame nee depende ba esforsu aan mai husi estudantes idak-idak nian liu husi estuda, tanba kada loron sira mai simu ona materia husi ita nian profesores sira, entaun oinsa sira atu hakat aan estuda para iha ezame sira bele hetan valor neebe mak diak, nee depende husi sira idak-idak nian esforsu,” nia komenta.
Jeremias akresenta, total estudantes husi ensinu baziku no sekundariu hamutuk 1500 resin, maibe ensinu baziku 340 no sekundariu 1300 resin mak sei partisipa iha ezame segundu periodu.
(jac)
