DILI, STLTIMORLESTE.com – Profesores husi Eskola Sekundariu Jeral nu. 4 Setembru Balide hahu hatama ona pontu ezame, hodi prepara ezame primeiru periodu neebe halao iha fulan Abril nia laran.
Hatete Diretor Eskola Sekundariu Jeral nu. 4 Setembru, Balide, ba STL iha nia knaar fatin Balide, Segunda nee (24/03/2025).
“Ami nian preparasaun nee iha loron Sabadu liu ba, ami halo enkontru ona ho profesor sira, ohin ami taka tiha naran ekipa neebe toma konta ba ezame primeiru periodu mos taka hotu ona, ekipa nee hamutuk 22. Neebe iha Sabadu ami enkontru nee tempu para atu hatama pontus ezame nee komesa kedas ami enkontru iha Sabadu nee too 25, aban hatama pontus ezame hotu ona para atu elabora,” katak nia.
Sergio hatutan, realidade profesores balu hahu hatama ona pontu ezame nee iha kedas loron enkontru iha Sabadu nee, ohin balu hatama tan, total estudantes neebe sei partisipa iha ezame nee hamutuk 2.389, sala preparadu ona, total prefoesores 75.
(jac)
