DILI, STLTIMORLESTE.com – Primeiru Ministru (PM), Kay Rala Xanana Gusmão husu ba profesores sira hanorin labele haree ba osan, maibe oinsa atu prepara labarik sira ho domin no matenek neebe sira iha.
“Ba hanorin labele hanoin osan neebe imi simu, balu idade ferik no katuas ona, idade labele ona mos laiha sistema ida atu garante sira nia reforma, balu tinan hira ona, laiha sistema ida atu garante sira nia promosaun, buat sira nee hotu mak ita hadia daudaun hodi harii sistema ida neebe diak, hodi garante ba area edukativa ninia, profesores sira imi hatene katak, imi nian servisu laos selu imi, maibe fo garantia netik imi nian servisu,” dehan PM, Xanana liu husi diskursu, iha CCD, Segunda nee (06/01/2025).
Xefe Governu lori Estadu nia naran rekonhese profesores sira, tanba edukasaun todan, laos fasil, ohin mos rona literasia numerasia, ida nee mos problema boot, ho domin no matenek, ida nee mak profesor sira nian misaun.
(jac)
