DILI, STLTIMORLESTE.com – Profesores iha Eskola Sekundáriu Jeral (ESJ) nu. 4 Setembru Balide laiha problema, tanba sira nian profesores sufisiente hela hodi hanorin estudantes.
“Hau hanoin kona-ba profesores nee sufisiente ona iha ami nian eskola Sekundariu 4 de Setembru, tanba inisiu kuandu ami simu kargu, ami aplika kedas quadro pesoais. Neebe kada profesor 24 oras por semana hanorin ba disiplina ida. Neebe konaba professores ba sira laiha problema,no relatóriu mos ami haruka ba iha nasional,tanba sira mos akompania,tanba nee buat hotu lao ho diak,” dehan Direitor ESJ nu. 4 Setembru Balide, Sergio A. da Cruz ba jornalista STL, Kinta 16/10/2025).
Iha parte ketak, Diretor ESJ 10 Dezembru Komoro, Manuel Verdial haktuir, ba oin sira presiza tan professores ba materia rua ou tolu tan, tanba sira nian professores nain rua mak atu tama ba idade reforma ninia, nee duni sira husu atu aumenta professores nain 8 ou nain 10.
Jornalista: Jacinta Sequeira
Editora: Domingas Gomes
