DILI, STLTIMORLESTE.com – Kolokasaun profesores husi parte juridiku Ministeriu Edukasaun (ME) mak halo no bazeia ba quadro pesoal neebe iha, no profesores sira hanorin taka malu iha eskola, nee tanba balun idade no moras la tama hanorin.
Lia hirak nee hatoo husi Direitora Rekursu Umanu iha ME, Anita Tavares Ribeiro de Jesus ba STL iha nia knaar fatin ME Vila Verde, Tersa nee (26/11/2024).
“Kolokasaun nee husi parte juridiku mak halo, kolokasaun nee bazeia ba quadro pesoal neebe mak iha, entaun ita konserteja haree ita nian profesores sira hanorin taka malu iha eskola nee tanba profesor sira ho idade, balun moras la tama hanorin iha eskola, nee mak sira taka malu nee, maibe iha eskola seluk ita nian ensinu prosesu aprendizajen lao diak hanesan baibain,” nia afirma.
Anita akresenta, ho kolokasaun neebe mak ME halo nee bele responde ona ba eskola hirak neebe durante nee sei menus profesores, tanba kolokasaun nee mos sei haree ba iha quadro pesoal neebe iha, nee duni iha eskola balun profesores hanorin taka malu no balun iha ona profesores.
(jac)
