DILI, STLTIMORLESTE.com – Iha tempu badak bolsa kandidatu profesores 2024 hamutuk 187 sei ba tuir formasaun semana ida iha Rairobo Atabae, hafoin tuir formasaun mak halo pose ba sira.
Haktuir Diretor Nasional Rekursu Umanu iha MinisteriuEdukasaun, João Amaral ba jornalista STL iha nia knaar fatin Vila Verde, Kinta nee (07/08/2025).
“Profesores 187 nee hein deit ona, tanba sira sei ba tuir tan formasaun semana ida iha Rairobo, bainhira fila husi neeba mak ita sei halo pose ba sira, para koloka sira ba eskola neebe mak tuir quadro pesoal sei menus profesores. Hein iha tempu badak nia laran sira sei ba tuir formasaun semana ida iha Rairobo,” nia informa.
Diretor Nasional Rekursu Umanu nee hatutan, formasaun ba profesores 187 nee tanba sira balun foin, balun eis profesores kontratu 2023 no balun neebe seidauk iha konhesimentu kona-ba pedolojia no disiplina, entaun ho formasaun sira nee mak molok atu koloka sira ba tuir lai formasaun semana ida, hodi hetan konhesimentu kona-ba pedolojia sira nee.
(jac)
