DILI, STLTIMORLESTE.com – Profesores nain 2 husi Ensinu Baziku Filial (EBF) Fatumeta ho kondisaun moras, tanba nee eskola koopera ho inan aman hodi buka profesores nain 2 substitui hikas iha nain 2 nia fatin.
Kestaun nee hatoo husi Koordenador Ensinu Baziku Filial (EBF) Fatumet, Jose Manuel Pires ba jornalista STL iha nia knaar fatin Fatumeta, Sesta nee (27/06/2025).
“Durante nee ami nian profesores sufisiente hela, maibe bainhirra prosesu aprendizajen nee lao, ami nian profesores nain 2 mak moras, maibe ami hamutuk ho inan aman estudantes sira nian husu profesores nain rua mai taka tiha nain rua moras nia fatin, nain rua nee substitui deit, karik aban bainrua mak nain rua moras diak ona sira bele mai hanorin fali, tanba ida struk ringan, ida seluk hetan asidente monu husi kareta, agora sei halo hela tratamentu iha hospital,” nia dehan.
Nia dehan, agora daudaun sira nian eskola total profesores hamutuk 25, mane nain 9, restu nee feto, total estudantes 905, sala de aula sira iha turnu rua, dader ho loraik, tanba nee sala de aula sanolu, tanba numeru estudantes nee barak, fahe ba turnu rua.
(jac)
