DILI, STLTIMORLESTE.com – Diretor Servisu Edukasaun Munisipiu Manatuto, Patricio da Cruz Quintao hatete, kona-ba profesores sira sufisiente atu bele kobre ba eskola sira iha Munisipiu Manatuto.
“Iha kolokasaun faze datolu nian nee, ita Manatuto simu profesores hamutuk 30, nee la inklui kolokasaun ba pre eskolar, tanba pre eskolar ketak, pre eskolar iha primeiru kolokasaun iha nain tolu, maibe agora ida foin lalais nee sira fo tan ida, neebe foin daudaun 30 nee ba ensinu baziku 29, pre eskolar nain 1, nee mak hamutuk 30 nee, maibe aumenta tan nain 3 iha primeiru kolokasaun nee 33,” hatete Patricio ba STL liu husi telefone, Kinta nee (14/11/2024).
Patricio akresenta, atu responde nesesidade nee bele kobre ona eskola sira, nee ba deit ensinu baziku primeiru no segundu siklu, agora planu nee ba terseiru siklu ninia, maibe ho kolokasaun agora nee bele sufisiente ona, tanba sura lo-loos profesores, dezde iha kolokasaun primeiru, segundu no terseiru nee hamutuk 100 ital ona.
“Ita halo kolokasaun nee ba ensinu baziku publiku no pre eskolar publiku ninian, ita iha pre eskolar 21, nee sura ho pre eskolar Katolika no komunitariu, maibe Ministeriu halo deit kolokasaun ba pre eskolar publiku,” nia afirma.
(jac)
