DILI, STLTIMORLESTE.com – Profesores husi Eskola Sekundariu Nobel Paz kada loron tenke aprezenta planu molok hanorin estudantes iha sala.
“Molok atu halao aprendizajen ba estudantes sira, primeiru profesor tenke aprezenta planu de aula, nee kada loron ita nian profesores sira halo nunee, nee duni planu de aula nee ami nian profesores sira sempre aprezenta, nee duni profesores idak-idak sempre halo sira nian planu, oinsa mak estudantes sira nee bele kompriende,” dehan Diretor Eskola Sekundariu Nobel da Paz, Jeremias P. de Jesus ba jornalista STL iha nia knaar fatin, Tersa nee (10/03/2026).
Nia dehan, hanesan materia português nomos englesh, oinsa mak estudantes sira kompriende lee no hatene hakerek, foin daudaun sira ba enkontru iha munisípiu katak, profesores idak-idak tenke halo planu de aula.
“Hanesan husi ita nian eskola públiku, nee husi inspetor eskolar sira halo kontrolu ba aprendizajen, maibe kontrola iha eskola públiku nee kada semana husi inspetor sira sempre kontrola,” dehan nia.
Iha fatin seluk, Diretor Eskola Sekundariu Jeral 10 de Dezembru Comoro, Manuel Verdial dehan, profesores sira nafatin halo planu de aula, tanba nee kada loron manorin sira husi eskola ida nee sempre halo planu de aula, nee importante tebes-tebes.
“Ita nian profesores sira nafatin halo planu de aula, tanba nee kada loron manorin sira husi eskola ida nee sempre halo planu de aula, nee importante tebes-tebes,” nia dehan.
Entretantu Diretor Eskola Sekundariu Jeral no 4 de Setembru Balide, Sergio A. da Cruz hatete, planu de aula nee kada profesores idak-idak sempre aprezenta sira nian planu, nee duni atividades ensinu aprendizajen iha eskola lao hanesan baibain.
(jac)
