DILI, STLTIMORLESTE.com – Ministra Saúde (MS), Élia A. A. dos Reis Amaral fo atensaun rigorozu ba profisionál saúde sira, tanba iha informasaun katak deskonfia profisionál saúde balun foti ekipamentus mediku estadu nian lori ba Klinika Privadu hodi hetan lukru, tanba nee labele lori ekipamentu estadu nian ba iha Klinika Privadu sira.
Ministra Saúde tau atesaun rigorozu ba Diretór Ezekutivu Hospital Nacional Guido Valadares (HNGV) hamutuk ho ekipa katak, iha informasaun profisionál saúde balun foti ekipamentu médiku ba uza iha Klinika Privadu sira.
“Iha informasaun neebe hau simu, labele foti no uza ekipamentu mediku, medikamentus estadu nian lori ba Klinika Privadu hodi foti lukru husi ida nee, labele,” hatete Ministra Saúde (MS), Elia dos Reis Amaral ba jornalista sira liu husi nia diskursu wanhira partisipa aniversáriu HNGV ba dala 22 iha HNGV, Sesta (27/06/2025).
Nia esplika, labele foti no uza riazente laboratóriu ba iha klínika Provadu, tanba Klinika Privadu Governu fo lisensa hodi ba kuidadu Saúde Primaria nomos ba iha arendimentu baziku.
“Klinika Privadu sira ita fo lisensa atu halo internementu tuir kriteria neebe mak iha,” nia deklara.
Iha fatin hanesan, Diretor Ezekutivu Hospital Nacional Guido Valadares (HNGV), Nuno Vital Soares informa, inprinsipiu Ministra Saúde (MS) Elia dos Reis Amaral bazeia ba informasaun neebe hetan, maibe HNGV sempre kontra nomos fo atensaun nafatin.
“Ami HNGV sempre kontrola no fo tau atensaun nafatin, sei wainhira hetan informasaun sira hanesan nee, ami halo intervensaun kedas,” nia afirma.
(jen)
