DILI, STLTIMORLESTE.com – Atu implementa programa desentralizasaun, daudaun nee iha ona prosesu, tanba nee sei iha reuniaun oinsa haree formatu avaliasaun kondisaun minimu.
Tuir Diretor Jeral Desentralizasaun Governu Lokal (DJDGL), Antonio Agustinho Guterres katak,
kona-ba prosesu ba desentralizasaun ema hotu hatene, transimentu estrutura prinsipal Prezidente Autoridade nomeadu ona, no nia Sekretáriu 3, nia Visi Munisipais 19, hotu-hotu prienxe ona.
Agora atu ajusta no aposta kestaun servisu departamentu ba Prezidente Autoridade Munisipiu (PAM), idak-idak aprezenta lista nomeasaun ba funsaun publika no xefi seksaun, nunee mos rekrutamentu ba funsionariu sira neebe sai ajente ba administrasaun publika neebe lao daudaun.
“Prosesu agora daudaun iha faze ona, oinsa kapasita sira kredivel no forte oinsa mak atu halo atendimentu lori governu hakbesik ba povu”, katak Diretor Jeral Desentralizasaun Governu Lokal (DJDGL), Antonio Agustinho Guterres, iha ETDA, Segunda (14/10/2024).
Nia dehan, aban hahu halo dikusaun interna kona-ba formatu oinsa, halo avaliasaun kondisaun minimu.
Nia hatete, atu implementa munisipiu hira mak atu implementa programa desentralizasaun nee, seidauk tanba sei liu husi avaliasaun kondisaun minimu hodi haree. Neebe tenke iha regra ruma bainhira implementa, nunee bele orienta orden neebe lao. Nunee mos tenke iha rezolusaun governu ruma hodi bele lao. Ficha de avaliasaun prepara husi parte relevante.
(gui)
