DILI, STLTIMORLESTE.com – Komando FALINTIL Forsa Defeza Timor Leste (F-FDTL) realiza serimonia promove feto militar sira sai lidera iha Instituisaun F-FDTL neebe ho tema “Enkoraja Feto Miliar atu Servi Ho Profesionalizmu, Konfiansa no ho Dignidade”.
Xefe Estadu Maior Jeneral F-FDTL, Tenente Jeneral Domingos Raul “Falur Rate Laek” enkoraja feto miliar sira halao knar feto nian iha Instituisaun F-FDTL no iha família, iha nee feto ezemplár inspiradora husi Ministeriu oin-oin, no reprezentante husi instituisaun estadu nian no governasaun nomos Internasional sira neebe halo papel importante ba dezenvolvimentu nasional no kontribui makaas hodi aprofunda debate kona-ba kontrusaun sosiedade ida igual iha neebe feto sira partisipasaun bele rezolve problema polítiku no sosial no ekonómiku neebe ita nia rai hasoru.
Nia esplika, seminariu neebe ho tema enkoraja feto miliar atu servi ho profesionalizmu, konfiansa no ho diknidade, nuudar espasu importante ida hodi destaka dialogu, kolaborasaun, impoderamentu no determinasau atu troka hanoin, diskuti no hamoos ideas sira neebe uluk no atu hasae promove partisipasaun feto nian iha dezenvolvimentu jestaun nomos atu habelar inkluzaun.
Nia ìnforma, feto sira nia knaar iha harii dame mak realidade ida neebe labele ketiona sira nia involvimentu esensial no sira nia esperiensia direita kona-ba impaktu konflitu sira no sira nia abilidade atu promove dialogu no rekonsilisaun.
“Ita nia esperiensia iha harii paz, hafoin rezisténsia naruk iha tempu susar ita nia luta ba determinasaun, hanorin ona ita konaba importansia feto sira nian involvimentu iha faze prosesu paz nian, ho razaun nee mak iha F-FDTL ita adopta inisiativa sira nebee fo kibiit ba feto atu lidera, tanba involve ona kontribui makaas ba prosesu paz, tanba hau fiar katak iha espera hotu-hotu feto sira hahu asumi prostura foun pradikna foun, oin loron knaar sira neebe feto involve lidera inisiativa sira iha area edukasaun, peskiza, teknolojia, inovasaun no dezenvolvimentu sosiu ekonomi sira,” Tenente Jeneral Domingos Raul “Falur Rate Laek” ba jornalista sira, wanhira loke abertura seminariu enkoraja feto miliar atu servi ho profesionalizmu, konfiansa no ho dignidade iha Kuartel Jeneral F-FDTL Fatuhada, Dili, kuarta (26/03/2025).
Nia deklara, papel feto nian neebe iha Instituisaun F-FDTL neebe hakarak , neebe aproveita oportunidade no empodera ba dezenvolvimentu pesoal hodi kontinua ultra pasa bareira sira no dezafiu sira neebe atual neebe umanidade hasoru izije atu haree didiak liu tan formasaun feto sira nian, neebe sei Prezidente sira atu hetan susesu iha sira nia kareira nomos moris familia nian.
Iha fatin hanesan, Deputada husi Komisaun B iha Parlamentu Nasionál, Lídia Norberta dos Santos Martins koalia, feto Timor nia partisipasaun ba iha prosesu dezenvolvimentu nee importante tebes, importante tanba prosesu ukun aan mos feto involve ona, tanba nee agora iha area dezenvolvimentu feto nia partisipasaun iha setór hotu-hotu.
“Ohin ita mai hamutuk ho feto miliar sira, tanba feto nia partisipasaun militar nee hahu kedas uluk mai too agora,” nia hatutun.
(jen)
