DILI, STLTIMORLESTE.com – Conservation International Timor Leste (CI-TL) realiza soru mutu ho nivel nasional sira, hodi koalia kona-ba proposta ba iha projetu promove jestaun diak iha Lagoa sira.
Liafuan nee haktuir husi Country Director CI-TL, Manuel Mendes ba jornalista sira iha Suai Room, Timor Plaza, Tersa nee (26/11/2024).
“Iha sorumutu nivel nasional kona-ba oinsa mak ita nia proposta ba iha projetu promove jestaun diak iha Lagoa sira, nomos oinsa mak ita nia populasaun bele moris hamutuk ho diak, ho Lafaek sira iha parte teritoriu Timor nee. Ita halo hanesan validasaun ba iha konsultasaun neebe konservasaun internasional tau hamutuk ho Ministeriu Agrikultura Pekuaria Peskas no Florestas (MAPPF), nomos Sekretariu Estadu Ambiente halo iha fulan hirak liu ba,” hatete nia.
Nia dehan, sorumutu nee hanesan validasaun ba iha proposta nee rasik, antes atu submete ba hetan finansiamentu nee mak objetivu lo-loos husi workshop nee, tanba nee tuir planu proposta submete ba iha Global Envairoment Fasility (GEF), ho ninia total orsamentu US$ 2.6 millaun.
Proposta subemete sei iha Dezembru hetan aprovasaun, hein katak bele implementa iha tinan 2025.
(joa)
