DILI, STLTIMORLESTE.com – Daudaun nee prosesu ba dada kadoras ka Greater Sunrise iha ona lampu hijau, tanba hafoin debate proposta Orsamentu Jeral Estadu (OJE) 2025, Primeiru Ministru hasoru kedas reprezentante Espesial ba Greater Sunrise husi Austrália, hodi koalia kona-ba prosesu dada kadoras mai Timor.
Deputadu Bankada CNRT, José Virgílio hatoo parabéns ba IX Governu, neebe iha debate orsamentu 2025 nian, no agora iha faze ezekusaun orsamentu 2024, no agora IX Governu iha ona dalan no iha ona lampu hijau prosesu dada kadoras mai TL.
“Progresu ida nee mak ita hotu hein, kadoras mai TL sei benefisia direta ba povu tomak, liu-liu ba joven neebe dezempregu sira, tanba nee hatoo parabéns ba IX Governu”, katak Deputadu José Virgílio iha Parlamentu Nasional (PN), Segunda (25/11/2024).
Nia dehan, foin debate hotu orsamentu, iha reprezentasaun espesial ba Greater Sunrise ka kadoras husi Austrália mai hasoru PM Xanana, hodi koalia kona-ba prosesu dada kadoras mai TL.
Entretantu Deputadu husi Bankada FRETILIN, Joaquim dos Santos ‘Boraluli’ hatete, husu governu liu husi Primeru Ministru Xanana atu providênsia ba sira kona-ba rezultadu relatoriu foin halo estudu Greater Sunrise neebe publika ona.
Nia husu, Governu tenke distribui rezultadu sira, atu sira iha tempu sufisiente, nunee sira bele halo estudu ba dokumentus sira.
Tuir Visi Ministru Asuntu Parlamentar (VIMAP), Adérito Hugo katak, progresu ba kadoras neebe halo hela negosiasaun husi tekniku sira neebe publiku dezenvolve.
Ho vizita ofisial ida husi reprezentate espesial Greater Sunrise Austrália, Esteve Bracks hasoru Primeiru Ministru Kay Rala Xanana Gusmão, ho PCM no MPRM, neebe publiku halo interpretasaun oin-oin, maibe ofisial seidauk.
Tuir nia, espera fim Dezembru antes termina 2024, bele ofisializa ona entre governu fatin 2, bele hatene ona progresu sira neebe estudu lao hela. No pozisaun Governu Timor nian klaru katak kadoras tenke dezenvolve mai territoriu laran, la muda pozisaun too agora.
(gui)
