DILI, STLTIMORLESTE.com – Prezidente Republika (PR), Jose Ramos Horta husu Autoridade Munisipiu Dili (AMD) tau matan ba saudozu Max Stahl nia rate, tanba dala ruma la tau aifunan no abandona deit.
Prezidente Republika (PR), Jose Ramos Horta hatoo kestaun nee liu husi diskursu iha loron komemorasaun masakre santa kruz no loron Juventude ba dala 33 iha Santa Kruz Balide, Tersa (12/11/2024).
Prezidente dehan, presiza hakruuk ba Max Stahl no husu tenke haree didiak tombuh Max Stahl nian, dalaruma abandonadu, mal tratadu tanba nee husu tau atensaun no tau matan mos, tanba eroi ne mos kontribui makaas ba Timor Leste nia ukun rasik aan liu husi foti filmajen hodi loke mundu nia matan katak Timor Leste hakarak ukun rasik aan.
“Lahaluha Max Stahl hakruuk ba nia ita tenke haree didiak fatin Max Stahl nia, hau mai iha nee, dala ruma mai vizita hau haree rate abandonadu no mal tratadu, dala ruma hau mai aifunan laiha hau mak lori aifunan ruma mai tau, hau husu ba munisipiu responsavel para haree protesaun diak ba kampamentu ida nee,” katak PR Horta.
Iha biban nee, Prezidente mos hanoin hetan joven no estudante Camal uluk hanesan estudante iha Sidney PR konhese mai Timor Leste no mate mos iha TL.
PR Horta hatete, aleinde Max Stahl hotu-hotu lembra estadu halo omenajen boot naruk luan, maibe iha jornalista no Fotografer sira.
Max Stahl hanesan jornalista no filmaker britaniku ida neebe halao knaar xave ida hodi introdus mundu internasional kona-ba atrosidade sira neebe akontese iha Timor Leste durante masakre hodi loke mundu nia matan ikus mai hetan Ukun rasik aan.
(eme)
